قناع لتفتيح البشره [وجه+اليدين] [لمعالجة التصبغات وحروق الشمس]

صحه فطوركم بنوتاتي ومداماتي الجميلات،،
حبيبات قلبي بوست هذا مفيد للجميع وخاصةً توا ف شهر رمضان اكيد وجوهكم انصهدت من الكوجينه والغاز؛؛

ماسك مكوناته سهله ومتوفره ف كل بيت الا انها مفيده للبشره هلبا مكوناته طرف جبنة مثلث + زبادي ساده+ نشآ؛؛

جبنه

  • خلي انقوللكم فوائد الجبنه للبشره طبعا لان فيها نسبة كبيره من البروتينات والفيتامينات والمعادن والكالسيوم اكيد ح تفيد البشره والجسم الجبنه تحمي خلايا الجلد من التلف والتمزق لان فيها اهم فيتامينات B,D والفوسفور والزنك اكيد الي يعالج التصبغات وحب شباب وفيها اهم حمض مقشر ومفتح للبشره هو حمض ( اللاكتيك) هذا الحمض يستخدم ف المقشرات الكيميائيه الي يستخدمو فيه العيادات بنسب اعلا لتقشير وتفتيح البشره„اما الزبادي اكيد انتم عارفين اهميته وفوائده للبشره يفتح البشره ويعالج التصبغات وحروق الشمس بشكل خرافي و تقدرو تستخدموه بشكل يومي للبشره يرطبها ويعطيها نظاره واكيد يقشر كل الخلايا الميته ويتفتحها والمهم انه مافيه اي اضرار جانبيه وحتي هو يحتوي ع حمض (اللاكتيك)„ بالنسبه للنشآ يقشر البشره ويفتحها وينظفها تنظيف عميق واكيد يعالج الالتهابات خاصة بعد ازالة شعر الوجه ويقلل من المسام وتقدرو تستخدمو حتي مع مية الورد بروحه ممتاز جداً للتصبغات؛؛
  • طريقة القناع ساهله جداً تاخدو طرف الجبنه تهرسوها مع النشآ وبعدها اضيفوا عليه الزبادي الخليط يكون وسط مش جامد ولا سائل يعني تقدرو تاخدو كاشيك=ملعقه صغيره نشآ واضيفو زبادي ع حسب الخليط يكون وسط؛؛
  • اكيد قبل استخدام الماسك تغسلوا وجوهكم كويس بالميه الدافيه باش تفتحوا المسام وتحطو القناع ع كل الوجه وتحت العيون والرقبه تخلوه لين يجف مدة30دقيقه بعد مايجف قشرو بشرتكم بحركه دائريه خفيفه وبعدها اغسلوا وجوهكم بميه دافيه وع طول تغسلوه بالميه البارده باش تسكرو المسام؛؛
  • تقدرو تستخدموه الماسك 3مرات ف الاسبوع ويناسب جميع البشرات الا ف حالة البشره الي تتحسس من الزبادي تلغيه ودير بدله حليب باكو؛؛
  • ملاحظة تقدرو تستخدموه حتي لليدين خاصة الي عندها تصبغات وحروق شمس بالنسبه لليدين تقدرو تستعملوه يومياً؛؛

وبس برنسيساتي اتمني الافادة للجميع دومتم متآلقات ااوهبكم اااموووواه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Animated Social Media Icons by Acurax Wordpress Development Company
error: Content is protected !!