صحه فطوركم بنوتاتي ومداماتي المزموزات،،
حبيبات قلبي الماسك او الوصفه هاذي ح تفيد الناس الي شعرها مدمر من الصبايغ والتفتيح الي تبي تنعم شعرها وتقلل من خشونته بنقولك تابعي البوست؛؛
- قبل مانبدآ ف البوست بنقوللكم انه الموز مفيد جداً للجسم وللبشره وللشعر لان فيه كمية معادن مفيده منها البوتاسيوم والماغنسيوم والزنك وطبعاً قشور الموز حتي هما مفيدات لآنهم مضادات للبكتيريا والفطريات وتحتوي ع انزيمات فلهذا بدل مانلوحهم نستفيدو منهم وبآسهل الطرق وغير مكلفه؛؛
- الماسك هذا بقشور الموز يعالج الشعر المتضرر والمحروق والمتقصف ينعم الشعر الاحرش ويقوي الشعر الضعيف يزيد من طول الشعر ويزيد كثافته غير للمعه الخرافيه الي بتشوفيها ف شعرك ننصحكم هلبا هلبا بالماسك هذا شدوها عليه ف شهر رمضان مايجي العيد لين تشوفي شعرك يهبل وصحي؛؛
- طريقة الماسك ف كدا طريقه ليه بس انا اخترت طريقة تذويب ف الزيت طبعاً زي ماتشوفو ف الصوره قشور موز+زيت جوزالهند لو مش متوفر خودو زيت زيتون عادي+كاشيك=ملعقه كبيره زبدة شيا وهادي مخيره ليكم لو مش متوفره عادي الغوها؛؛
- مقدار خلوها طاسه متوسطه زيت انا الحق مانعرف بالمقادير اندير حسب عيني والكميه الي نبيها حطيت الزيت ع النار سخن شويه بعدين كاشيك الزبده دوبتها وبعدها حطيت قشور الموز وحركت شوي خليته امتاع 10 دقايق ع النار بعدين حطيت كل المكونات ف ست بيت رحيته كويس كويس بعدين حطيته ف علبه نظيفه؛؛
- طريقة استخدام الماسك من مرتين ل 3مرات ف الاسبوع ساعتين قبل الدوش وزي ماقلتلكم استخدمو اي وصفه لشعركم يكون نظيف باش الماسك يدير مفعوله كويس؛؛
- اكيد بعد مايبرد شوي بتحتفظوا بيه ف ثلاجه لان قشور الموز يتآكسدو؛؛
- اه ملاحظة قشور الموز يبسوهم خلوهم شويه يجفو يومين وبعدين قصوهم قطع صغيره وديرو بيها الماسك؛؛
- طبعاً الماسك هذا مفيد للصغار وللكبار وخاصة البنوتات الصغار ف الي شعرها خشن الوصفه هاذي ح تساعد الام ف تنعيم شعر اي بنوته شعرها ملوي؛؛
وبس برنسيساتي اتمني الافاده للجميع دومتم جميلات اووهبكم امووواه..
