أضرار سحب لون الشعر

مسائكم معطر بذكر الرحمن بنوتاتي ومداماتي الجميلات؛؛
حبيبات قلبي بوست اليوم مهم جداً للجميع ح نتكلم ع اضرار سحب للون؛؛

س

  • اكيد عارفين اني ضد سحب اللون والميش قلباً وقالباً لان سحب اللون مادة مضره وفيها نسبة امونيا عاليه الي ادمر الشعر سحب للون يسبب جفاف الشعر ويخليه احرش او خشن بشكل كبير يسبب تقصف لإطراف الشعر يعني الشعره تترشق كآنه حطيتي صودا كاويه ع شعرك غير انه يآثر ع صبغة الميلانين الموجوده ف الشعر وهذا يسبب ف طلوع الشيب بشكل كبير ف شعرك ويضر فروة الرآس يسبب التحسس والقشره يعني اضراره لاتعد ولا تحصي ومع هذا بتموتو عليه وتستخدمو فيه مش مهم يدمر الشعر ع المهم يطلعلك للون الاشقر بس بنضيف معلومه انه لما تسحبي لون الشعر بسحب اللون وتصبغي يطلعلك اللون ف الايام الاولي حلو بس بعدين مع الغسل يقلب ع برتقالي هذا طبيعي نتيجة السحب هكي يصير للون يبدا سفناري بالزبط؛؛
  • مع هذا كله ف ناس تقولي به ياجود نبو نغيرو لون شعرنا ملينا من الغوامق به تبي تغيري لون شعرك تمام ولكن حتي انتي راعي نوعية شعرك هل تتحمل قوة التفتيح او لا غير انه راعي لون شعرك الي بتفتيحه هذا مهم جداً ماتشوفو لون فنانه عجبكم تبو تقلدوه وخلاص لا هذا غلط يكون ف علمكم اغلب الفنانات شعرهم تركيب يعني ماتقارنو انفسكم بحاجه الطبيعه زي الصناعيه غير انه لما تبي تفتحي شعرك مش معقول يكون شعرك اسود تبيه طول اشقر او بلاتيني بالعقل والمنطق شعرتك بتنحرق حرق يعني من الغامق جداً للفاتح جداً هذا كارثه بعدين اقعدو اصرفو ع شعركم علاجات ومبالغ وقدرها ومع هذا كله مايتعالج ضروري من قص شعر المتضرر؛؛
  • بمعني لما نبي نفتح شعري نبدآ تدريجياً نفتح مسموح فقط تفتحي ع لون شعرك الاصلي بدرجتين وهكذاً ابدي بتفتيح درجتين لين توصلي للون الي تبيه يعني فتحي شعرك ع مراحل وهذا اقل شي يبي 6شهور باش تفتحي شعرك من غامق للفاتح هذا كان ماتبيش شعرك ينحرق وينهلك ويطيح؛؛
  • حاجه مهمه ضروري تعرفوها انه موانع سحب للون ع الناس الي صابغه للون الاسود والي امدايره حنه الي صابغه اسود ياعزيزتي لما بتسحبي للون اعتبري شعرك انتهي وادمر تماماً لان من اسواء واتعب الالوان ف السحب هو الاسود والاحمر متعب جداً جداً ف سحبه الي تبي تصبغ الالوان هاذي ادير حسابها انه مش ح ينزل للون بسهوله اقل شي تبي سنه باش ينزل اللون وحتي الحنه مع انها مفيده جداً جداً للشعر تمنع التساقط وتزيد كثافه للشعر غير انها لما تحني شعرك صعب تصبغيه لان مش ح ياخد للون الحنه نبات طبيعي يلصق ف الشعر ويغلفه تغليف متعب جداً انه تصبغي بعد الحنه او تحاولي اديري تفتيح ح ادمري شعرك تماماً وانا ح نزلكم بوست ع صبغ الشعر بالحنه الناس الي تحب الحاجات الطبيعيه ح تستفيد؛؛
  • به ف حالة نبو نسحبو اللون او نفتحوا الشعر استخدمو طريقه اقل ضرر هي اضيفو لسحب اللون كاشيك=ملعقه كبيره بلسم شعر؛؛
  • وفي طريقه تسمي ب الرينساج معناه اعادة تصحيح لون الشعر اما بتغمقي او بتفتحي ع حسب لون الشعر الي امدايرتيه الرينساج اديريه بمصحح لون الصبغه هما تقريبا 5 الوان مصححه هي الازرق والموف والاخضر والابيض والاحمر هاذي وظيفتهم يصححوا لون الصبغه وتطلعلك نفس الدرجه الي تبيها طبعاً بمقادير معينه ع حسب كثافة وطول الشعر ومصحح للون يتخلط بالشامبو امتاع الشعر ولما بتجي تحطيه ع شعرك زي الشامبو يقعد من 5ل10 دقايق وشعرك مبلول تحت الميه واديري مساج للشعر باش يوحد لون الشعر ومايخليش للون يقلب ع برتقالي ح نشرحلكم بالتفصيل ف بوست خاص فقط بالرينساج؛؛
  • الناس الي شعرها شيب ماتفكرو تصبغو ب الالوان الفواتح لان مستحيل يغطي الشيب مستحيل بالعكس يزيد يبان خليكم ع الوان درجات التشكلط البني المتوسط العسلي المتوسط الاشقر المتوسط باش يغطي الشيب وحاولو تخلطو مع الصبغه مصحح لون باش يخفي الشيب؛؛
  • الوقت الطبيعي مابين صبغه وصبغه من 3/4 شهور تصبغي شعرك ف حالة عندك شيب اصبغي فقط الجذور الي فيهم الشيب مش لازم تصبغي الشعر كله؛؛
  • هذا بوست شرح مفصل ع صبغ الشعر شوفوه ح تستفيدو

  • هذا بوست شرح مفصل ع استخدام مصحح اللون

وبس برنسيساتي اتمني الافاده للجميع دومتم متآلقات اوووهبكم؛؛

صياماً مقبولاً وافطاراً شهياً

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Plugin for Social Media by Acurax Wordpress Design Studio
error: Content is protected !!