صحه فطوركم بنوتاتي ومداماتي العسولات،،
حبيبات قلبي البوست هذا لشغل الاعلانات يعني بزنس بسيط ومفيد ليا وللناس الي تبي دعايه واكيد للناس الي تبي تعرف اماكن المناسبه للبيع المكياج او مايخص الموضه والجمال بصفه عامه،،
(ح نبدآ ف الموضوع هذا بعد العيد بآذن الله)
- نفسرلكم كلامي ف موقعي ح نضيف قسم خاص للدعايه وللإعلان يشمل اصحاب الماركات او محلات المكياج او محلات الملابس او مراكز الصحيه الطبيه؛؛
- ف هلبا ناس يطلبوا مني ف دعايه واعلان قلتلهم يوم نفتح الموضوع هذا نعلن عليه للجميع ويكون مفيد للكل في ناس فاتحه محلات مكياج جديده او مراكز صحيه جديده او حتي ملابس بس تبي دعايه ليها ك كسب زباين اكيد؛؛
- الموضوع هذا جديد نوعاً ما يعني الي فاتح مكان جديد بخصوص الكلام الي ذكرته نقدر نزله مكانه وموقعه ك اعلان ف موقعي ع القوقل وع صفحتي ف الفيس بالنسبه للسعر ح نحدده وفقاً للمكان ومكسبه؛؛
- بس الدعايه عندي ليها شروط انه الاماكن الي بنزله دعايه يكون قد اعلاني ليه وح نسآل عليه قبل مانزل الاعلان اكيد سواء مركز او محل او وكيل لماركة ما لان ااكيد مش اي حاجه ح نزلها اعلان لا ح ندير اعلان الي فعلاً يستحقه فقط والي نشوفه بيفيد الناس ك معلومه ليهم؛؛
- وع فكره كلامي للناس ف طرابلس وخارج طرابلس ع وجه خصوص لاني انا من طرابلس هلبا متتابعين معاي من خارج طرابلس يقعدو يسئلوا فيا وين نلقا المنتج كدا ف مدينه كدا وانا ماتكونش عندي فكره سواء ع محلات مكياج او مراكز طبيه صحيه تهتم بعلاج البشره والشعر ف الموضوع هذا ح يفيد هلبا ناس متتابعين من طرابلس وخارجها،،
وهذا رقم البزنس اي حد بيكون عنده شغل بخصوص الموضوع الي قلته وح يكون مفتوح من س 4عصراً لس 8المغرب فقط،،
(0926483912)
وبس غالياتي دومتم متآلقات اوووهبكم اامووواه..
