السلام عليكم بنوتاتي ومداماتي الجميلات،،
حبيبات قلبي بوست خفيف ع كيف نقاومو العطش ف شهر الفضيل،،
- بما انه شهر رمضان جانا ف الصيف ف اكيد ح تحسو بعطش بشكل كبير لفقدان اجسامكم السوائل وبسبب ضغظ الجو فلهذا نحاول نقوللكم نقاط تخليكم ماتحسو بالعطش ف شهر رمضان؛؛
- اول شي بنقوله انه الميه مافيش ولا عصير ولا اي نوع من السوائل يجي مكانها او يعوضها الميه مهمه لجسم الانسان سواء للبشره او الشعر او للجسم نفسه من ناحية صحيه حاولو قدر الامكان تشربو الكميه الي تكفي اجسامكم؛؛
- تاني شي انكم تشربو عصائر طبيعيه افضلكم من العصائر الجاهزه لان العصائر الطبيعيه تحتوي ع معادن تعوض السوائل الي فقدها جسمكم خلال التعرق فلهذا ابتعدو ع العصائر الجاهزه الي فيها الوان صناعيه وكمية سكر كبيره؛؛
- ثالث شي انه لما تتسحرو خليكم ع الفواكه والخضروات كولو ع قد ماتقدرو لان الفواكه والخضروات تحتوي ع كميات كبيره من الالياف والماء وتتخزن لفتره طويله ف الامعاء ف تساعدك ع عدم العطش ف الصيام؛؛
- ومن افضل الخضروات الي تحتوي ع كميه كبيره من الميه هو الخيار ممتاز للجسم وحتي للبشره ك قناع سواء تقصيه حلقات وتحطيه ف الفريز ويومياً تمرري قطعتين خيار ع وجهك ورقبتك او تعصيريه وتاخدي عصيره بعد ماتصفيه تحطيه ف بخاخ ويكون ف ثلاجه وكل ماتحسي بصهد تبخي وجهك ممتاز الخيار ف ترطيب البشره ومعالجة الجفاف وحروق الشمس سواء درتيه ك ماسك او كلتيه ومن افضل فواكه تحتوي ع كمية كبيره من الميه الدلاع حاولو تاكلوا ف السحور كميه من الدلاع يخفف العطش ف الصيام؛؛
- رابع شي خففو كمية الملح والبهارات ف الاكل وابتعدو ع اكل الموالح لان يمتص الميه من الفم والبلعوم والمعده يزيد جفاف الجسم والشعور با العطش ف الصيام ف حاولو تتسحرو خفيف زي ماقلتلكم كولو فواكه وخضروات مع طاسة حليب وتمر تمشي الامور عال العال؛؛
- خامس شي خففو شرب المنبهات زي القهوه والشاهي لان تحتوي ع كافين لان يزيد نشاط الكلي ويعزز ادرار البول ف يزيدكم شعور بالعطش؛؛
- سادس شي انكم ما تتعرضو للشمس بشكل مباشر لان الشمس تخفف سوائل الشمس وتسبب جفاف ف يزيدكم شعور بالعطش؛؛
وبس برنسيساتي اتمني الافاده للجميع دومتم متآلقات ااوووهبكم ااامووواه،، “صياماً مقبولاً وافطاراً شهياً“
