‫ماسك لزوان الانف [تجاري]

مسائكم معطر بذكر الرحمن بنوتاتي ومداماتي المزموزات،،
حبيبات قلبي بوست سريع ع تجربتي مع المنتج الي ف صورة البوست هي لصقة او قناع لزوان الانف،،

343

  • اول شي هي تجاريه وليست طبيه انا جربتها وحسيت بنتيجه حلوه للامانه انا انفي مافيه هلبا زوان او رؤس سوداء بس مع الصيف يزيت وتنقلب بشرتي لمختلطه المهم انا استخدمتها وعجبتني ولما حولتها حسيت بملمس الانف ناعم وزيرو زيوت عجبتني نتيجتها وقلت انفيدكم بيها خاصةً تستعملوها قبل المناسبه تعطيك نتيجه روعه وانظف للمكياج،،
  • طريقة استخدامها اول شي تغسلي انفك كويس بميه دافيه باش تفتحي المسام وبعدين الماسك يجي ازرف تفتحي الزرف تشوفي ماسك لونه اسود تاخدي منه ع اطراف صوابعك وتدهني بيه منطقة الانف كلها وحتي جوانب الانف خليها نص ساعه تنشف وتحسي بشعور مصقع منعش بعد مايجف تماماً تبدي تحولي فيه زي القشره طرف واحد نفس صورة البوست وح تلقي شوائب هلبا تحولت ح تعجبكم النتيجه امتاع الماسك هلبا؛؛
  • وتقدري تستخدميه مرتين ف الاسبوع لو أنفك فيه زوان بكثره؛؛
  • سعره 3 ونص دينار ليبي فيه 10 ازرف خديته من سوق الأدويه الدريبي محل صفاء الطفوله 2؛؛

 وبس برنسيساتي اتمني الافاده للجميع دومتم متآلقات اااوووهبكم ااامووووااااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Animated Social Media Icons by Acurax Wordpress Development Company
error: Content is protected !!