[ رمضان كريم ]
★ياريت تضغظوا ع صوره واديرو مشاركة بالبوست لآفادة الكل؛؛
مسائكم مبروك وعدوكم مهلوك بنوتاتي ومداماتي الطرفونات؛؛
حبببات قلبي زي ما نزلت البوست السابق ع روتين رمضان للبشره والشعر البوست هذا لروتين رمضان للاكل وشرب الميه والي بنمشي بيه بنقوللكم عليه تستفيدو بيه وترتبو افكاركم؛؛
- طبعاً ف رمضان السستم بينقلب رآساً ع عقب ف نظام الاكل بالنسبه ليا انا الموضوع عندي ساهل ومتقبل لان ف الاساس والايام العاديه ناكل وجبه واحده ف اليوم يعني مش ح يفرق عندي بس بيفرق من ناحية شرب الميه وطبعاً هكي ولا هكي جسمنا بيفقد كمية سوائل بس ح نعوضوها ب اذن الله الناس الي فعلاً تبي تحافظ ع وزنها لو تتبع كلامي مستحيل زيد بالعكس ح ينقص لان ف ناس تسمن ف رمضان لانها ماتعرف تنظم اكلها وبيتلخبط عليها الوقت بس انا جاهزه للمساعده اكيد؛؛
- بسم الله اول ما يآذن المغرب غلط تشربي مالقي ميه ع طول زي ناس نعرفها لان بطنك فارغه بشويه بشويه عليها سايسيها افطري ع تمر كولي الي تقدري عليه انا ناكل من 7/13 تمرات ضروري اصلاً انحبه التمر او أمي تعصد فيه يهبل وطاسة حليب او لبن ضروري منه وغصباً عنك الي ما تشرب ف حليب حاف زي حالاتي دير فوربا بالتمر والموز يجنن يشبع وفيتامين يعوض جسمك وبشرتك بالمفقود ف الصيام بعد هذا كله ترتاحي ما تاكليش الافضل والصحي انك تفطري مع العشاء ف ناس ماشين بالنظام هذا واحنا منهم صفرة الفطور ع المغرب تكون سوائل وتمور حليب ولبن كل واحد شني يريحه ويفضل حاجات حلوه وخفيفه بس ناكلو الثقيل بعد اذان العشاء نحطو صفرتنا وناكلو الحركه هادي صحيه ع بطنك وجسمك ولما تبدي تاكلي ابدي بصونية السلاطه معبيه ديري واحده ليك حجمها كبير ويكون فيها جميع الخضروات تعصري فيها ليمون وشويه خل بعدها تاكلي عادي بكميات قليله امضغي كويس وبالمهل عليك مافي حد يجري وراك لان كل ما كان مضغ الاكل كويس وتعطلي ف المضغ كل ما كان افضل للهضم وتشبعي بسرعه والكلام ينطبق ع الناس الي تفطر ف اذان المغرب نفذو نفس التعليمات؛؛
- به امتي نشربو الميه مهمه ياعالم ضروري تشربو طاسه كبيره ميه ف اذان المغرب وف اذان العشاء تشربو 2طواسي كبار ميه بعد العشاء ب ساعه تشربو طاسه ميه يعني كل ساعه حاولو تشربو طاسة ميه تعوضو شوي وكثرو من العصائر الطبيعه ديرو صفره خلوها جنبكم بالعصائر والميه وكل ما تقدري اشربي مايضرش يزيدك فايده وتعوضو فقدان السوائل؛؛
- اكل الحلو طبعاً ف رمضان بيكثرو طواجين الكيكات والبسبوسه ههههه الحاجه الوحيده الي نعرف نطيبها ع طول ندير ف جميل عليهم بطاجين البسبوسه ع اساس فالحه عادي كولي حلو مافيش مشكله تاخدي طريف او طريفين مش ح يضر ديما خودي الحلو بعد الاكل بساعتين افضل شي اهو مش اتقولو حارمتكم من شي ندلع فيكم وكثرو من اكل الفواكه عادي كل ما تجوعي كولي فواكه الي تفضليها وتحبيها عن نفسي نحب العنب وناكل ف تفاح الاخضر خاصةً بعد الاكل ضروري منه يهضم الاكل ويمتص الدهون ننصحكم بالتفاح الاخضر لان كله فيتامينات وفوائد؛؛
- السحور انا ضد ضد ضد ضد ضد مليون الف مية مره السحور الثقيل يعني ف ناس يحطو ف صفره تبدا معبيه معجنات بيتزا ع سمبوسه ع بوريك ع خبزه محشيه ع ع ع وبياكلو ويصلو ويرقدو قصدي انتم تبصرو كيف ترقدو مرتاحين ما تتقلقيش ما تتقهقهيش غلط تاكلي وترقدي ديما يكون الاكل قبل النوم بساعتين هذا علاش قلتكم انفضل تفطرو بعد اذان العشاء بيش تاكلي كويس مرتاحه وتشبعي وتاخدي حاجه خفيفه ف السحور يعني الافضل تتسحري ع حاجه خفيفه مش معجنات يا مهلبيه يا سحلب وتشربي ميه وتشربي عصير انا عن نفسي نتسحر ع صونية تمر وطاسة فوربا نشبع وفيتامين لجسمي ولشعري لان التمر يا بنات من اكثر الفواكه فوائد لكل شي صحه جسم بشره شعر مقوي وفيتامين طبيعي100% ننصح بيه اما حكاية سحور المعجنات والثقيل تربحو فكوني منه هذا كان تبي جسم صحي وما تزيدي الوزن ف رمضان؛؛
وبس حبيباتي نظام وسستم كامل حاولت انساعدكم بتنظيم وقتكم وافكاركم وطريقة الاكل الصحيحه ف شهر الفضيل اتمني الافادة للجميع دووومتم بخير وصحه وسلامه يارب اوووهبكم ااموووااااه..
