‫افضل مزيل عرق تجاري [دوف]

ـ مضاد للتعرق ـ

مسائكم ورد وزها خاطر بنوتاتي ومداماتي المزموزات،،
حبيبات قلبي بوست سريع ع افضل مزيل تجاري ومضاد للتعرق من ماركة دوف؛؛

338

  • علاش نزلت بوست ع مزيل تجاري لان ف ناس ماتقدرش ع مزيلات الطبيه بسبب سعرها الغالي ولكن انحاول نفيدكم بآكبر قدر ممكن وخاصة احنا ف فصل الصيف مستحقين مزيل ومضاد للتعرض ممتاز؛؛
  • الناس الي تعرق وتطلع ف ميه هلبا المزيل هذا ح يفيدها لانه هو انفزبيل يعني غير مرئي وف نفس الوقت مايلبزش الحوايج البيضاء والملونه وريحته خفيفه ع الاخر الناس الي زيني ماتحبش الروائح القويه ف مزيلات هذا ح يناسبها ومفيد ونتيجته ممتازه وفي نفس الوقت سعره مناسب ب6دينار ليبي متوفر ف اغلب الصيدليات؛؛
  • معلومه بنآكدها عليكم وخديتها من دكتور ع مضاد التعرق يسبب السرطان هاذي معلومه غير صحيحه بتاتاً من ناحية طبيه والي الان مافيش ولا تقرير طبي يؤكد صحة المعلومه هاذي يعني طمنوا بالكم ع الاخر؛؛
  • الطريقه الصحيحه لاستخدام المزيلات هو ضروري ف الصيف اندوشو الصبح وقبل النوم او حتي انغسلوا اطرافنا هذا روتين ضروري منه ردو بالكم تستخدموا المزيل وانتي مش مدوشه لان بيزيد الطين بله وبسببلك سواد تحت الابط فلهذا نستخدمو اي نوع مزيل ع نظافه؛؛
  • ملاحظه انه النوع هذا من دوف الوحيد المشكور من دكاترة الجلديه وينصحوا بيه.
  • بالنسبه للمزيلات الطبيه افضل الماركات عن تجربه فيشي. آس ڤي آر. بيوكست. بودي شوب وكدا ماركة مشكوره؛؛
  • وفي طريقه انا نزلتها فيما سبق هو لليمون تستخدموه ك مزيل عرق طبيعي ح نحطلكم الرابط لو تبو تشوفو الطريقه

وبس برنسيساتي دومتم متآلقات اووهبكم اااموووواه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Plugin for Social Media by Acurax Wordpress Design Studio
error: Content is protected !!