مساؤ ورد بنوتاتي ومداماتي الطرفونات،،
حبيبات قلبي بوست خفيف ع كريم نهاري وبسعر رخيص،،
- كريم نهاري ماركة نيفيا حلو استخدامه خفيف ومناسب للبشره الدهنيه والمختلطه وفي نفسها يناسب البشره الجافه بس عن رآئي انا بما انه صيف البشره بطبيعتها تزيت فلهذا ح يناسب حتي البشره العاديه والجافه لان هو يتحكم بلمعان البشره وتقدرو تستخدموه بروحه ف حالة ماديروش مكياج اما الناس الي دير ف مكياج تقدر تستعمله ك كريم مرطب تحت المكياح وفي نفس الوقت سعره مناسب جداً ب 10 دينار ليبي ومتوفر ف اغلب الصيدليات؛؛
- طريقة تستخدامه اكيد معروفه يكون الوجه نظيف حاولو تمررو مكعب ثلج ع كل وجهك ك قابض طبيعي ومنعش للبشره وهي بشرتك مببلوله حطي من كريم الترطيب ع كل وجهك خليها 10 دقايق باش تمتصها بشرتك كويس وبعدين لو بتحطي مكياج اوك لو بتطلعي بدون مكياج اوك كل واحده وذوقها اكيد؛؛
وبس برنسيساتي اتمني الافاده للجميع دومتم متآلقات اااوووهبكم ااامووووااااه..
