[علاج لحب الشباب]
مسائكم ورد اخر لليل بنوتاتي ومداماتي الطرفونات،،
حبيبات قلبي بوست ح يكون مفيد جداً للجميع هو علاج حب الشباب بطريقه سهله وبسيطه وغير مكلفه،،
- قبل مانبدآ ف البوست بنقولولكم اني جربته ع نفسي قبل مانزل البوست وكانت نتيجه رهيبه بس انا ماعنديش حب جفاف ولكن ناموسه قرصتني وطلعلتي حبه طوبه ف خدي ف خديت حبة اسبرين طحنتها وحطيتها ع كف ايدي درت قطرتين ميه وبعدها حطيت الخليط ع الحبه نوضت الصبح كآنه مافي شي ابداً بصراحه استغربت وقلت شني مكونات الاسبرين وحبيت انزلكم بوست انفيدكم،،
- زي مانعرفو انه الاسبرين تاخديه عن طريق الفم اما لصداع او لبرده يعني هو مضاد للبكتيريا مكونه الاساسي هو حمض الآستيل ساليسيلك وهو حمض الصفصاف المكون هذا تلقوه اساسي ف المقشريات الكيميائيه الي يستخدم ف العيادات لتنظيف البشره وتجديدها وعلاج التصبغات وتلقوه مكون رئيسي ف كريمات التقشير المعالجه لحب الشباب وتلقوه حتي ف غسولات علاج حب الشباب زي نتيروجينا وغيره يعني المكون هذا معالج من الدرجه الاوله لحب الشباب وتقشير التصبغات؛؛
- استخداماته ف كدا طريقه تقدري ادخليه ف قناع او حتي تستخدميه بروحه عادي وطبعا يستخدم فقط مرتين ف الاسبوع لان يتعامل نفس كريمات المقشره لحب الشباب عيوبه مرات يسبب شوية جفاف فلهذا اختارو مرطب بعده يكون كويس مثلاً زي كريم بيبانتين؛؛
- بالنسبه للبشره الدهنيه تقدري تاخدي من 4/5 حبات مش اكثر وتطحنيهم تحطيهم ف صونيه نظيفه وتزيدي عليهم قطرات ميه يولي معاك زي العجينه تاخدي بطرف صبعك او عوذ اوذان افضل وتحطي الخليط ع اماكن الحب والتصبغات لمدة 10/15 دقيقه وتغسلي وجهك وبعدها ترطبيه؛؛
- تقدرو اضفيوه ف اي قناع مثلاً للبشره الجافه تقدرو تاخدو 4حبات اسبرين تطحنوهم وتخلطوهم مع زبادي طبيعي يساعدك ع تقشير بشرتك ويعطيها نظاره وف انواع من البشرات الجافه يكون فيها حبوب او رؤوس بيضاء تقدرو تستخدمو الاسبرين للرؤوس هاذي؛؛
- تقدرو اضيفو حبات الاسبرين المطحونه مع العسل هذا ف حالة بشرتك ما تتحسس من العسل وتستخدميه ك ماسك اسبوعي لبشرتك؛؛
- تقدرو اديرو منه تونر او قابض طبيعي للبشره وهو افادته تقليل من المسام وتخفيف زيوتها تاخدو 5حبات بدون ما تطحنوهم وتحطوهم ف شيشه بخاخ وصبو عليهم اما ميه عاديه او مية ورد ع راحتكم؛؛
- تقدرو اضيفوه للغسول امتاعكم وتستخدمو ك مقشر للبشره هو تاخدو 4/5 حبات اسبرين تطحنوهم وتخلطوهم مع غسولكم تستعملوه ك مقشر اسبوعي؛؛
- ع فكره تقدرو تستخدمو لحب الشباب او حتي قرصات النموس المزعجه مفيد جداً وح تشوفو النتيجه من اول مره؛؛
وبس برنسيساتي اتمني الافاده للجميع دومتم متآلقات اااوووهبكم ااامووووااااه..
