مسائكم ورد بنوتاتي ومداماتي المزموزات،،
حبيبات قلبي اكيد بتستغربو من الصوره الي هي فرش المسكرات وفرشة الاسنان بنقوللكم علاش ولشني؟؟

• عضواتي الطرفونات لما تفضا مسكره او تنتهي صلاحيتها ما تلوحيهاش لا خودي فرشتها نقعيها ف مية السخونه واغسليها ج تستفيدي بيها ف المستقبل انا طبعاً الصوره الي قدامكم للمسكرات الي كملو او الي انتهت صلاحيتهم نغسل فيهم لان نستفيد بيها ف المستقبل خاصةً الي فرشتها حلوه نستعملها مع مسكره تانيه ونقدر نستعملها لتمشيط الحواجب و لتثبيت شعر القصه من القدام البيبي هير يعني الطنتوشات نبخ ع الفرشه اسبراي ونمشط بيها جوانب القصه من قدام وفعلاً يمشطو البيبي هير بدون مايخرب الشعر او القصه؛؛
  
• فرشة الاسنان هادي قصتها قصه معاي طبعاً اتكون نظيفه وجديده يعني ماتكونش مستعمله من قبل هادي اندير بيها ف طريقة الكرباجا للشعر بمعني ننفخ او نعطي ف فوليم ب الشعر يعني نكشكش بيها ف شعري وصف غريب بس ان شاءلله وصلت المعلومه وحتي هي نمشط بيها ف حواجبي لما نبي نبيهم سبايكي شويه انبخ عليها اسبراي ونمشط بيها حاجبي وح يقعد ثابت ع طول ونستخدم بيها ف ثبيت بيبي هير الي هما طنتوشات الباردات الي ف القصه؛
  
• وبعدين حبوباتي حتي حكت الكريمه لما تكمل منك ماتلوحيهاش لان ح تستفيدي بيها ديري فيها وصفه او تخلطي فيها حاجه اتفيدك انا ع طول انخلي ف حكة النيفيا والجونسون لان حجمهم صغير ف ديما نستفيد بيهم وحتي شيشة البخاخ لما تكمل حاجه وهي شيشتها بخاخ نخلي فيها لان نستفيد بيها للشعر وللوجه نحط فيها ف مية الورد يعني حاولي تستفيدو بعلب منتجات الي تكملوها ح تستفيدو بيها ف المستقبل كآنه اعادة تدوير للمنتج والحركه هادي يديرو فيها ماركة ماك لما تاخدي منهم كدا منتج وبعد ماتكمليه وتجمعي 6علب فاضيات ترجعيهم للوكيل تاخد عليهم حاجه مجاناً اعادة تدوير للمنتج حبيت انقول المعلومه هادي الي مايعرفهاش ح يستفيد بيها؛؛
  

وبس غالياتي اتمني لافاده للجميع دومتم متألقات اوووهبكم اموواه..