مقشر طبيعي للجسم

[ سكراب طبيعي ]‬

صباحكم ورد وفل وياسمين ع احلا بنوتات ومدامات عندي فلذات تشبدي،، حبيبات قلبي بوست خفيف ع سكراب او التقشير للجسم،،

11391360_844062628975088_200633107877284255_n

  • المكونات سهله وبسيطه ومتوفره ف كل بيت فكوني من بخلكم ايوا دلعو روحكم بمقشر للجسم زي ما قلنا نقشرو جسمنا و وجهنا مره كل نهاية اسبوع باش نحافظو ع اشراقة بشرتنا ونظارتها ع طول؛؛
  • مكونات عباره عن سكر بني في حالة ماعندكش بني استعملي الابيض بس البني افضل ف التقشير من الابيض لان اثقل واخشن+زيت زيتون+عسل طبيعي ف حالة تتحسس بشرتك من العسل استغني عليه وغيريه بمية ورد مع انه حتي لو بشرتك تتحسس من العسل خففي الكميه قطرات فقط مش ح يديرلك شي انا بشرتي تتحسس من العسل مع هذا ما نستغناش عليه اندير ف قطرات بسيطه منه تمشي الامور؛؛
  • طبعاً تخلطي المكونات مع بعضها والمقادير ع كيفك وع احتياجك انا انسانه فاشله ف المقادير اندير حسب عيني وحسب الي نبيه فلهذا عينك ميزانك والخلطه تكون وسط مش سايله هلبا مش ثقيله يعني ما بين البينين انا اندير فيها وسط ولما نبي نقشر جسمي ناخد شوي ع كف ايدي ونزيدها شويه من شامبو الجسم امتاعي ونقشر بحركه دائريه الجسم كله يسهل عليا عملية التقشير بسهوله نقعد 5دقايق وبعدها نمصمص بالميه ونغسل جسمي ب شامبو الجسم عادي ونطلع نمسح جسمي ونرطب ب لوشن بيبانتين لان حبيباتي بعد التقشير بالذات ضروري انرطبو جسمنا بآي كريم متوفر عندك ومستريحه عليه؛؛
  • طبعاً يستخدم التقشير سواء للوجه او الجسم ع بشره رطبه يعني مببله بالميه مش جافه تجرحي روحك وبشويه قشري جسمك ماتنزلي عليه بالقوه لان وقتها ما تحسي بالخدوش بعد ما تبردي تحسي بروحك ويخلي اثر الخدوش عليك فلهذا خليك رقيقه وناعمه وكلك انوثه ههههه،،

وبس اتمني بوست خفوفي ومفيد ليكم دومتم متآلقات اووووهبكم اموووواااه.

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Animated Social Media Icons by Acurax Wordpress Development Company
error: Content is protected !!