معجون اسنان ومضمضه لعلاج اللثة

صباحكم فل وياسمين بنوتاتي مداماتي فلذات تشبدي،،
حبيبات قلبي بوست سريع ع افضل معجون ومضمضمه للفم علاج للثه؛؛

11223584_851137688267582_4056499758074135026_n

  • طبعاً انا من الي ديما نعاني من للثه بصراحه ع ما نغسل سنوني يصبو دم وحالتي مآساة بالرغم مدايره تنظيف ولكن كثرت التنظيف هلبا هلبا عند الدكتور يضر السنون وتبدا حساسه حتي من طاسة ميه السن تبدا ادير اشارة ضوئيه ف الدماغ ع طول فلهذا المعجون والمضمضه اسمهم “باردوتنكس” هذا نصنحي بيه دكتوري للثه وبصدق مممممتاز يا بنات سنوني الحمدالله معاش يصبو ف دم ميه ميه ولا عاد ف ريحه لان المضمضه تقضي ع الريحه امتاع الفم الي بسببها للثه مش المعده فرقوا ف الموضوع فلهذا ننصحكم بيه ومتوفر اكيد ف كل الصيدليات؛؛
  • ملاحظة انه معجون هذا لعلاج االلثه يعني مايستخدمش اكثر من شهر لان يخلي السنون صفر مع كثرت الاستعمال وبالنسبه ليا للاستعمال اليومي نستخدم ف معجون كرست ثري دي وفعلا سنوني اعطاهم لمعه حلوه،،
  • النقطه التانيه والمهمه ف تنظيف الاسنان هي الفرشه انا نغير فيها شهرياً هي المفروض تتغير كل 3شهور بس انغير فيها كل شهرنوع فرشاة تبدا بالمغطه امتاعها افضل لان تبدا مغطيه تحمي الفرشه من تكاثر الجراثيم لو مثلاً خديتي فرشه بدون مغطه عادي ديري نفس طريقتي اصنعيلها مغطه يعني لما بتجي تفتحيها قصيها من تحت وخلي الكفر امتاعها من فوق هكي ضمنتي فرشتك نظيفه بدون جراثيم والفرشه بعد ما تغسلو بيها سنونكم اغسلوها كويس من المعجون وما تخلوهاش ف الحمام لا احتفظوا بيها ف داركم لان بتقعد ف الحمام بتلقط كل البكتيريا فلهذا انا نغسل فيها ونطلع معاي نحطها ف داري نخليها الفرشه تجف بعدين نغطيها؛؛
  • لتعقيم الفرشه اسبوعياً وتنظيفها من الترسبات خودي طاسة بلاستك يكون فيها خل التفاح وحطي فرشتك ساعه تتنقع لتعقيمها وتنظيفها واغسليها بالميه عادي؛؛

وبس حبيبات قلبي اتمني بوست مفيد للجميع دومتم متآلقات اووووهبكم امووواه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Customized Social Media Icons from Acurax Digital Marketing Agency
error: Content is protected !!