مسائكم طيب بنوتاتي ومداماتي فلذات تشبدي
حبيبات قلبي توا درت ماسك قلت خلي نزله يستفيدو بيه وينوضو ينشطوا من غير بخل زايد و هذا ماسك ممتاز للتصبغات وخاصةً ضربات الشمس ميه ميه ننصحكم بيه ،،

• مكونات الماسك ساهل جداً زبادي+كركم+بودرة بيبي طبعاً المفروض زبادي طبيعي بدون نكهه بس الي كان عندي بنكهة الفراوله درته قلت يتغدا وجهي بالمره والكركم يكون صافي بدون اضافات للبهارات متوفر ف العطريات اما البودره الي عندي امتاع جونسون وانفضلها لان للبيبي ومافيهاش ضرر؛؛
  
• الطريقه زي ما تشوفو صفيت الزبادي بشاش لان نبي الزبادي ما نبيش الميه الي فيه يولي معاك زي الكريمه طبعاً تجربتي مع الزبادي بصدق هو عالج حروق جسمي من شمس البحر رهيب رهيب ننصحكم بيه، وحطيت كاشيك صغير كركم زي ما تشوفو ف الصوره،
  مع كاشيك بودرة جونسون خلطتهم مع بعض وحطيته ع وجهي نص ساعه لين يجف الماسك واغسلي وجهك بمية دافيه بعدين مصقعه وسكري المسام بتمرير ثلجه ع وجهك؛؛
  
• الي عندهم تصبغات وحروق شمس تستعمله يومياً مافيش مشكله الي بشرتها تمام حتي مره ف الاسبوع كافي ليها ك تغديه للبشره؛؛
  
• ع فكره لو ماعندك كركم تقدري اديري بودره بيبي مع الزبادي او النشآ مع الزبادي هذا الي بشرتها دهنيه،
  
• اما الي بشرتها جافه تقدر ادير زبادي مع حليب بودره او دقيق فارينه عادي مافيش مشكله؛؛
  

وبس حبيباتي اتمني الافاده للجميع دومتم مزموزات وطبعاً اوووهبكم هلبا هلبات امووواه..