مساؤ نعناع وريحه منعشه بنوتاتي ومداماتي فلذات كبدي،،
حبيباتي بوست خفيف ع زيت النعناع وفوائده الرهيبه الي تقدرو تستفيدو بيه خاصةً ف فصل الصيف،،

• طبعاً من الي ما تعاني من النموس والوشواشه الي دره الكبد..
  اها اكيد كلنا خاصةً ف الصيف يكثر فيه كل الحشرات به شني فايدة النعناع انه عشبه مركبه من المينتثول الماده هادي معقمه ومنعشه وليها ريحة نفاثه تآثر ع نفسيه الناموسه هههههه تقدرو تستخدموه ف محاربة الناموس تاخدو شيشة بخاخ تصبو فيه زيت وتزيدوه ميه ترجو الشيشه للتخليط المكونات كويس وقبل النوم بخي دارك اول حاجه ريحه منعشه تهبل.
• تاني شي الناموس معاد يقربك ولا يفكر اصلاً و ع فكره الي ماعندها زيت تقدر تاخد عرقين نعناع تحطهم جنبها فوق الشكماجه امتاعها منها ريحه تجنن والناموس ينزعج من الريحه معاش يقدر يدير فلاحته عليك ويقرص المعفن،،
  
• حاجه ثالثه لما تقرصك ناموسه ف ايديك او رجلك تقدري تحطي عليها زيت نعناع ح يهدي القرصه لان مضاد للبكتيريا ومطهر؛؛
  
• حاجه رابعه الي عندهم قشره ف الشعر تقدري تخلطيه ب الشامبو امتاعكم او تخففيه بمية ف شيشة بخاخ وتبخي فروة شعرك حتي ترقدي بيه عادي لان مش ح يزيت ولا اصلاً مزعج حتي ريحته حلوه انتعاش وتحسي بشعور مصقع ع فروة الشعر هههه جو دعاية شامبو النعناع والجليد بس لا عاد مش لها الدرجه هكي في فيلم هندي،،
  

وبس حبيباتي اتمني معلومه مفيده للجميع اوووهبكم امووواه..