[ واشراقة البشره ]
صحه غداكم بنوتاتي ومداماتي الطرفونات،،
حبيبات قلبي بوست ع السريع لطريقة قابض طبيعي لمسام البشره،،
- فائدة التونر=قابض هذا يقلل من المسام ويخفف من الحبوب ويعطي للوجه اشراقه رهيبه الي بشرتها باهته وصفراء ننصحها بيه هلبا غير انه يقلل زيوت الزياده الي تفرزها البشره؛؛
- مكوناته سهله وبسيطه انا بشرتي عاديه بس الايام هادي نحسها من عاديه لجافه فلهذا استخدمت المكونات هادي؛؛
ـ خديت قشور البرتقال مرحيات وراحيتهم بروحي ف البيت مقدار كاشيك صغير+ضفت عليهم مية معدانيه شويه ربع شيشة البخاخ+ مية ورد+قطرتين زيت جلسرين للترطيب باش ما يزيد يجفف بشرتي وبعدها تخلطو مكونات كويس مع بعضها برج شيشة البخاخ؛؛
ـ الي بشرتها دهنيه تلغي الزيت وادير قطرتين ليمون مفيد اكثر ليها ويقلل الزيوت بشكل كبير؛؛
- استخدامه مرتين ف اليوم مره اول ماتنوضي من النوم تبخي وجهك اما تمسحيه بقطنه وتغسلي وجهك عادي او بعد ماتغسلي وجهك تبخي وجهك وتخليه يجف عليها ف كلا الحالتين عادي وتحطي كريم ترطيب النهار امتاعك وفي الليل نفس الشي؛؛
- واكيد بتحفظي بيه ف الثلاجه لان كل مايكون بارد كل ما يخفف ف تقليل المسام والحبوب ونتيجته اتكون افضل للوجه؛؛
وبس غالياتي اتمني الافاده للجميع دومتم متآلقات ااوووهبكم ااامووواه.
