‏فوائد [البنجر = الشمندر]

[ للبشره والشعر والجسم ]
 [ تقشير+ماسك للوجه ]

مسائكم ورد بنوتاتي ومداماتي الطرفونات،،
حبيبات قلبي اليوم بوست ح يكون مهم للكل لان ح نقوللكم ع فوائد البنجر للبشره والشعر والجسم،،

331

  • قبل مانبدآ ف البوست بنقوللكم انه البنجر من قديم الزمن كانو يستخدمو فيه ك مكياج للشفايف وللخدود منهم ملكه كليوبترا ونفريتي لان قبل كانو يستخدمو ف مواد طبيعيه للتزين مش زي وقتنا الحاضر،،
  • اما بالنسبه للبنجر فوائده لا تعد ولا تحصي للشعر والبشره والجسم لان فيه معادن وفيتامينات تحمي الجسم فيه نسبه كبيره من الحديد ومضادات للاكسده وبوتاسيوم ومغنيسيوم وغيره من الفيتامينات المفيده للجسم والبشره والشعر تقدرو اديروه ف سلاطه او عصير او اقنعه للبشره،،
  • الناس الي عندها الضغظ ممتاز ليهم بشكل كبير لان يعدل مستوي الضغظ وينزله اذا كان مرتفع وحتي الناس الي عندها فقر دم او انيميا مفيد ليها جداً جداً وحتي الناس الي ادير ف رجيم وتبي تنزل وزنها عصير البنجر ممتاز ليهم يشبع بشكل كبير لان غني ب الالياف ويسرع ف هضم الاكل بسرعه خدو يطاسه عصير من البنجر يومياً؛؛
  •  فكره طعمته مش بطاله يعني تتقبليها عادي وتقدري اضيفيلها برتقال او تفاح وترحيه مع بعضه ف الخلاط واكيد اضيفو السكر ع حسب رغبتكم وتشربو طاسه كل صبح الريق واتشوفو النتائج من الشهر الاول سواء للشعر او توريد البشره؛؛
  • بالنسبه فوائد البنجر للبشره يعالج ويخفف من حب الشباب وحبوب البيضاء وحتي تجاعيد البشره ويصفي البشره ويساعد ف انتاج الخلايا وتجديدها واكيد يعطي نظاره للبشره ويعطيها لون وردي ويعالج حروق الشمس بشكل كبير؛؛
    ـ بالنسبه لآقنعة البنجر تقدرو اضيفوها مع كدا حاجه مثلاً لحروق البشره من الشمس وكلف الشمس تاخدو 1بنجر+بطاطا وتطبخوهم ف ميه ع نار بعدين تبرد تقشروهم وتهرسوهم وتخلطوهم مع زبادي ممتاز جداً لحروق الشمس وع فكره تقدرو اديرو بطاطه مطبوخه مع زبادي ف حالة مافيش بنجر تستخدموه 3مرات ف الاسبوع؛؛
    ـ وتقدرو تخلطو عصير البنجر مع حليب البودره للبشره الجافه ومع النشآ للبشره الدهنيه تستخدموه مرتين ف الاسبوع؛؛
    ـ وانا اليوم درت ماسك+مقشر مكوناته بسيطه وسهله هي سكر +جوزهند مبشور+زيت جوزهند+عصير بنجر المقدار كاشيك صغير من كل حاجه وع فكره تقدرو تستخدموه للجسم عادي بس تكثرو الكميه وتستخدموه مره ف الاسبوع؛؛
  • بالنسبه فوائده للشعر هلبا منها يخفف من تساقط ويعطي لمعه للشعر ويعالج القشره؛؛
    ـ بالنسبه لآقنعة الشعر تقدر تخلطي عصير بنجر مع خل التفاح وتمصمصي بيه فروة شعرك تستخدميه مرتين ف الاسبوع يعطيك لمعه لشعرك ويعالج القشره؛؛
    ـ بالنسبه للناس الي تحني ف شعرها تقدر اضيفي للحنه عصير بنجر يطلعلك لونها كاجو طبيعي او ع دم غزال؛؛

وبس برنسيساتي اتمني الافاده للجميع ااووهبكم اااموووواه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Floating Social Media Icons by Acurax Wordpress Designers
error: Content is protected !!