‫‏اسباب اسوداد الركب‬ و [معالجتها]

مسائكم ورد بنوتاتي ومداماتي المزموزات،،
حبيبات قلبي البوست هذا ح يكون مهم لان اغلب الاسئله تجيني اعطيني حل لآسوداد الركب،،

  • قبل الحلول ضروري نعرفو اسباب اسوداد الركب وع فكره هي مشكله جلديه يعانو منها رجال ونساء وبالاخص اصحاب البشره السمراء؛؛
  • اسباب اسوداد الركب السوداء هي:
    الجفاف المزمن للجلد +الضغظ والاحتكاك المستمر+تراكم الجلد الميت وعدم تقشير البشره واكيد بسبب عدم الترطيب المستمر للبشره؛؛
  • الوقايه من اسوداد الركب هي:
    1- تقللو من الاحتكاك وخاصةً وقت الصلاة صلوا ع سجادة تكون رطبه باش ماتسببلك جروح او جفاف.
    2-ماتقعمزو وتتربعو ع الارض لان يسبب اسوداد ف الركب وكعب الرجل بسبب ضغظ والاحتكاك.
    3-انه تحمو بشرتكم من الشمس ب استعمال واقي شمس.
    4-تقشرو بشرتكم لتجديد الخلايا وازالة الطبقة الميته حتي بمقشر طبيعي افضلهم مقشر القهوه بس ماتبالغوا ف التقشير يستعمل مره واحده ف الاسبوع باش مايقلب معاك بنتيجه عكسيه.
  • علاجها بماسكات طبيعيه:
    في كدا ماسك مشكور منه الكركم مع الزبادي وقطرتين ليمون يستخدم 3مرات ف الاسبوع، وحتي ماسك النشآ ومية الورد كويس، وفي طريقة تانيه هي اديريها ف لليل قبل النوم تاخدي كركم صافي بدون اضافات وتخلطيه مع لوشن او كريم ترطيب وتدهني بيه ركابك والكوع قبل النوم مممممتاز جداً جداً لان معروف الكركم اقوي مبيض طبيعي بدون مايسبب مضاعفات عكس الكريمات المبيضه؛؛
  • علاجها طبياً [بعد استشارة دكتور مختص]
    العلاج الطبي ليها هو ماتستعملي كريمات مبيضه او مقشره قويه لان ح يسببلك رد عكسي ولكن من كريمات الي يكتبو فيها الدكاتره للمشكله هادي هي بس ارجوكم ماتاخدوها بدون استشارة دكتور:
    ـ كريمات المقشره زي الريتينول او كريم حمض اليوريا او كريم الساليساليك أسد أو الدفيرين؛؛
    ـ وكريمات تبيض زي الالدكوين 4%؛؛
    ـ اخر الحلول هو التقشير الكيميائي يكون تحت اشراف دكتور؛؛
  • ملاحظة الليزر مايدير حل تضيع فلوس ع الفاضي وهذا كلام من دكاترة تجميل جلديه مختصه؛؛
  • ملاحظة تانيه انه كل المقشرات والكريمات الطبيه الي ذكرتها ممنوع تستعملها الحامل والمرضعه.

وبس برنسيساتي اتمني الافادة للجميع دومتم متآلقات اوووهبكم اااموووواه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Social Media Icons Powered by Acurax Web Design Company
error: Content is protected !!