صباحكم ورد بنوتاتي ومداماتي الجميلات،،
حبيبات قلبي بوست هذا هلبا عضوات طلبوه مني وهو شني الحلول المناسبه لحب الشباب المؤخره والارداف عذراً ع اللفظ ولكن البوست لغرض التعليم،،

• تقرير هذا طبي صرف ومعلومه طبيه موثقه يعني البوست ح يكون نصائح وعلاج لمشكلة حب الشباب ف الاماكن الحساسه،،
• صح ف ناس ح تستغرب واتقولي كيف حب شباب يجي ف منطقه حساسه بنقوللها لا غالطين زي مافي حب شباب ف الوجه والظهر في حب شباب ف مناطق الحساسه وهي تكون حبوب صديديه صغيره او دمامل ومرات تكون بآلم لما تقعمزي؛؛
  
• نصائح والحلول الي تتبعيها ف المشكله هادي هي:

1. انك ماتلبيش ملابس داخليه تكون ضيقة عليك واختاريها تكون قطنيه باش تمتص العرق وماتسببلك سواد وحاولو تقللو من لبس سراويل الجينز خاصة ف الصيف والجو يكون سخون؛؛
   
2. لما بتغسلي او بتخشي للحمام اكرمكم الله استخدمو غسول يكون فيه مضاد للبكتيريا زي مادة البنزويل البروكسيد او صابون سيتافيل مضاد للبكتيريا او غسول يكون فيه حمض الساليسيليك(حمض الصفصاف) زي غسول نتيروجينا؛؛
   
3. كان الحبوب الي عندك شويه استعملي جل البنزويل بروكسيد تركيزه5% وف حالة التركيز الي اقل مادارلك شي تاخدي 10% تستعملوه بعنايه لين تخف الحبوب بس البسو ملابس داخليه بيضاء لان هو ف مادة تبيض والافضل استخدامه ف لليل اقل حركه؛؛
   
4. واذا كنتي من نوع تتمرني او تتحركي هلبا ضروري تاخدو دوش لان تجمع العرق عادة ف الاماكن هاذي تزيد من المشكله؛؛
   
5. كان حبوب الي عندك مستمره وهلبا اكثر من لازم الافضل تمشي تعايني عند دكتور باش ياخد منك مزرعه من الحبوب هادي ويبدآ معاك بمضاد حيوي مناسب لحالتك اغلب الاحيان تكون من مشتقات الدوكسيسكلين؛؛
   

وبس غالياتي يومكم مبروك وعدوكم مهلوك وعذراً لآي لفظ خارج ع المآلوف دومتم متآلقات اوووهبكم اامووواه..