مسائكم ورد بنوتاتي ومداماتي الطرفونات؛؛
حبيبات قلبي بوست اليوم مهم لكل السيداات وهي مشكلة كيف نتخلصوا او نخففوا من شعر الجسم؛؛
- طبعا اول حل هو لليزر ولكن لليزر حبيباتي ضروري اديروه ف مكان مضمون ومتخصص وتتأكدي انه ماعندك تكسيات مبايض لأن الي عندها تكيسات مبايض حتي ادير لليزر ح يرجعلها الشعر وكأنها مادارت شي غير انه اديرو تحليل هرمونات اكيد وضروري يكون شعرة جسمكم او وجوهكم لونها غامق وكثيفه لأن الشعر الخفيف او الي يكون لونه اشقر مايمشي معاه لليزر وتتضرر من الليزر بشرتها؛؛
- اما بالنسبه للكريمة الي لونها ازرق هادي من ماركة بيوكست ماركة فرنسيه وطبيعيه بالاعشاب هي كريم لتخفيف نمو شعر الوجه وفي منها نوع تاني لتخفيف نمو شعر الجسم للأمانه انا نصحتني بيها دكتوره صديقتي وفعلا الكريمة مفعولها ممتاز هي الكورس امتاعها من 3 الي 6 الي 9 شهور ع حسب كثافة وغزارة شعر الوجه او الجسم؛؛
- طريقة استخدامها سهله جدا وتلقوها مكتوبه ف النشره مع الكريم هي تدهني بيها وجهك بعد ماتحولي الشعر عكس اتجاه نمو الشعر طبعا هادي الكريمه الي باكوها ازرق؛؛
- اما الي باكوها برتقالي هادي واكس او حلوه للجسم حتي هي لما تستعمليها تخفف من نمو شعر الجسم والوجه ولكن انا ما نتحمل الألم بصراحه ولا تحسس الحلو ف خليت ماما تستعملها؛؛
- اما التبيتو الي لونه وردي وابيض هدا بنج اسمه بريليا استعملته مره او مرتين حلوه نتيجته ننصح العرايس بيه والناس الي ماتتحمل الم الحلوه او الفتله هي تدهني بيه قبل ازالة الشعر بنص ساعه بعدها حولي الشعر عادي بأقل ألم؛؛
- وموجوده الماركه هادي ف كل الصيدليات بس انا خديتها من صيدلية ذات الصواري تقريباً سعر الكريمه بروحها 25دينار؛؛
وبس حبيباتي اتمني الافاده للحميع دومتم متألقات اااووهبكم اااموووواه..
