صباحكم افكار حلوه بنوتاتي ومداماتي المزموزات
بوست خفيف او فكره ابتكرتها هههههه الصوره الي ف البوست فرش صغيرونه للاسنان بصدق ما نعرف كيف تستخدم للاسنان بس حسب ما فهمت انه تنظف ما بين السنون او الي مركبين طاقم سنون هكي تقريباً،،

• بس الحق انا شريتها من الصيدليه مش لغرض السنون ابداً خديتها نبي نستعملها فرشه ك مسكرة للحواجب لانها صغيرونها وضعيفونه وتقدري تمشطي الحواجب من المقدمة بكل اريحيه بدون ما تتلبزي؛؛
  
• وخديتها لغرض تاني هي بنستعملها ك مسكرة للرموش السفليه لان الرموش التحتيه تبي تركيز ف المسكره باش تطلع حلوه وتنفرد معاها كل الرموش مزبوط ف حجم الفرشه مناسب جداً للرموش التحتيه لانها ضعيفونه
  
• طبعاً فرشتها فكرتني بفرشة مسكرة ماك للرموش السفليه مقاربه لحجم الفرشه هي ومسكرة ميبلين امتاع الحواجب حتي الفرشه صغيرونه وضعيفونه تمشطي بيها الحواجب بكل اريحيه؛؛
  
• انا نستخدم ف مسكرة حواجب ماركة كركتر لونها تشكلط رهيبه متوفره ف اغلب المحلات وهي فيها 3درجات من الفاتح للغامق؛؛
  
• واكيدفرشة السنون الصغيرونه متوفره ف كل الصيدليات مش حاجه صعبه.
  

وبس ان شاء الله فدتكم ب الفكره انا شخصياً جربت واستفدت منها وانتم جربوها لو عجبتكم وك العاده اوووهبكم امووواه..