صنع جل حلاقه في البيت

مسائكم طيب بنوتاتي ومداماتي فلذات تشبدي
حبيباتي العضوات البوست هذا ح يفيد الناس الي تحول ف شعر الجسم بالحلاقه الي منهم انا ح نعلمكم كيف تصنعو جل حلاقه بروحكم لان للاسف غير متوفر ف ليبيا وهلبا يسئلوا فيا وين نلقوه ياجود من وين نشروه للاسف انا مانعرفش مكان يبيع فيه ف ليبيا واغلبية البنات قالو مش موجود ف الصيدليات وحتي لو كان غالي فعلاً حتي برا انا نشري فيه مش رخيص فلهذا ح نعلمكم طريقه سهله وبسيطه جداً؛؛

FB_IMG_1439731717539

  • الطريقه شوفتها من بولقر اجنبيه عجبتني ونفذها وجربتها قلت خلي انشاركم بيها وح نحطلكم للينك امتاع الفيديو للافاده اكثر؛؛
  • المكونات:
    هي بلسم شعر+لوشن مرطب جسم+شامبو جونسون+زيت جونسون + “جل الصبار” هادي اضافه من عندي لو ما عندكش مش  لازمك وتاخدي مقدار كاشيك بلاستك زي الصوره ولو تبي تزيدي  انتي حره عادي تتحكمي ف المقادير حسب احتياجك بعد ما تحطي مكوناتك ف الصونيه تخلطيها مع بعض وتحسيها سايله شويه زي الصوره بعدها حطيها ف اي حكه نظيفه فاضيه؛؛
  • وتبدا جاهزه للاستعمال انا جربتها ع ايدي زي ما تشوفو وحلقت ايدي بماكينة فينوس النسائيه طبعاً نعومه رووووعه وريحه تجنن ونعومة جسمك تقعد معاك حتي بعد الدوش لان فيها لوشن مرطب امتاع الجسم وزيت جونسون وبلسم شعر كلهم مرطبات للبشره يعني رهيبه للناس الي تحلق ف الاماكن الحساسه ح تفيدها لان مش ح تسببلها تحسس والي تقول بعد الحلاقه نحس بحروشيه الخلطه هادي ح تنعم البشره؛؛
    ـ هذا لينك الفيديو

وبس حلواتي اتمني الافاده للجميع دومتم متآلقات دوما اوووهبكم..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Animated Social Media Icons by Acurax Wordpress Development Company
error: Content is protected !!