مسائكم ورد بنوتاتي ومداماتي الطرفونات؛؛
حبيباتي قلبي بوست خفيف لنهاية الاسبوع بخار+ ماسك وتقشير ف نفس الوقت للوجه ممتاز جداً مناسب لجميع انواع البشره؛؛

• انا توا كيف درت بخار لوجهي ليا وقت عليه نبي نظف تنظيف عميق للبشره وللمسام واكيد ما ندير شي الا لما نتفكركم ع طول باش تستفيدو وتنشطوا شويه فكوني من البخل ايوا،،
  ـ البخار درت فيه عرقين نعناع+اكليل+عطر وطبعاً تبو اضيفو اي شي تاني مافيش مشكله تبو تنقصو عادي مش ملزمين بنفس المكونات اديرها بالنسبه للبخار ع راحتكم فايدة البخار ينظف بعمق المسام والبشره ويحول كل طبقات الزيوت والتربات خاصةً لجو مساعد هلبا للتلصيق والرطوبه حالتها محلحله  ؛؛
• بالنسبه للقناع هو ماسك ومقشر ف نفس الوقت المكونات بسيطه جداً متوفره ف كل العطريات لا هي علم ولا هي ذره وحتي متوفره ف كل بيت،،
  ـ هي كركم صافي مطحون+ترمس مر مطحون+ شاهي اخضر مطحون انا رحياته بروحي ف البيت لو مش متوفر استغنوا عليه+زبادي طبيعي زي ما تشوفو المقدار كاشيك صغير من كل حاجه نفس الصوره بس الزبادي درت كاشيك ونص لانه نبي نرطب وجهي اكثر من تجفيفه وخلطوا كل شي مع بعضه قوامه كريمي نفس الصوره؛؛
  
• اول شي اديرو بخار بعدين تاخدو قطنه تمسحو بيها الميه والاوساخ الي طلعت من البشره وع طول حطو الماسك امتاعكم 20/25 دقيقه لين يجف القناع تغسلو وجهكم بالميه الدافيه بعدين بالمصقعه ع طول،،
  ـ بعد ما تغسلوا من القناع ع طول ثلجه تمرروها ع وجهكم وانا نبخ ف وجهي بمية ورد ك تونر طبيعي للبشره لتصكير المسام هادي اهم نقطه انكم تصكرو المسام،،
  ـ اخر خطوه اكيد الترطيب ب اي مرطب يكون متوفر عندكم بس يكون خفيف زي كريم بيبانتين ما يكونش ثقيل ولا مرهم افضل انا ح نرطب وجهي بكريمة ترطيب ماركة ڤيشي كولكشن اكوا رهيب رهيب الكريم خرافي ترطيبه ؛؛
  

وبس حبيباتي يارب يكون بوست مفيد ليكم وك العاده اووووهبكم اموووواه..