صنع مزيل عرق في البيت [لليمون]2

مساؤ ورد حبيباتي وعضواتي المزموزات،،
حبيبات قلبي بوست سريع ع طريقة صنع مزيل عرق ف البيت وبأسهل الطرق،،

123

  • درت بروحي مزيل عرق بعد تجربتي السابقه لليمون ك مزيل عرق بعد الدوش ممتازه وحبيتها ف القيت روحي كل ما نخش الدوش ندخل معاي نص ليمه وندعك بيها تحت الابط ف قلت علاش ها التعب هذا كله ويقعد فتفوتات الليم نحول فيهم خلي نعصر ليمه ونحطها ف شيشه او بخاخ او حكة مزيل عرق فاضي الي متوفر فاضي عندكم ع المهم؛؛
  • خديت ليمة عصر وعصرتها زي ما تشوفو وزدتها شوية مية ورد خففت الليم هذا الناس الي بشرتها حساسه تخففه مرات لليمون بروحه يسبب حساسيه ع المهم الليمون فوائده لا تعد ولا تحصي حتي عضواتي الي جربو فكرتي امتاع لليمون ك مزيل عرق بعد الدوش شكروه هلبا ويا بنات ما تخافوش لا يقعد يتلصق ولا فيه ريحه مش حلوه ريحته منعشه ويبيض الابط ف نفس الوقت الناس الي عندهم حساسيه ف الصدر ومايتحملوش اي مزيلات بريحه ينفع بيهم ميه ميه جربوه مش ح تندمو ابداً بس الي بشرتها تتحسس من الحمضيات ماتستعمله وتستخدم مزيل عرق طبي؛؛
  • واه شني رايكم ف عصارتي لليمونه ههههه تسهف ولا لا ههههه،،

وبس غالياتي اتمني الافاده للجميع دومتم بخير وسلامه اوووهبكم اموووواه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Customized Social Media Icons from Acurax Digital Marketing Agency
error: Content is protected !!