النظافة من الايمان [الإهتمام بالنظافة الشخصيه]

مساؤ فل بنوتاتي ومداماتي الطرفونات،،
حبيباتي قلبي  البوست هذا ح يكون اهم شي مما سبق ذكره عنوان البوست النظافه من الايمان؛؛

النظافة-من-الإيمان

  • يا بنياتي ومداماتي النظافه الشخصيه مهمه جداً جداً قبل الكريمات وقبل الترطيب المرتبه الاوله اتكون النظافه وخاصةً جانا الصيف فكونا من الروائح البارسيه بجد نتكلم حبيباتي المرآه بصفه عامه سر انوثتها نظافتها ف نفسها وف بيتها غير هكي ولله لو تشري ماركات العالم ماهو صاير منك لان للاسف ف شريحه من النساء تهتم ب المظهر الخارجي والباطني الله لاتروعك وهذا غلط انا شوفت نوعيات تبدا لابسه وحاطه هذايكا الحطه وريحتها تعطعط بصراحه كارثه مرآه تنشم عليها ريحه واكيد حتي انتم اتقابل فيكم النوعيات هادي يومياً سواء ف دراستكم او خدمتكم او حتي ف الشارع انا كلامي يا بنياتي خودوه نصيحه المكياج واللبس عمره مايصنع جمال المرآه ولا ينظفها ابداً؛؛
  • يعني خلو الدوش ف روتينكم اليومي قبل ماتطلعو من البيت تاخدو دوش سريع وحتي لو كنتم ف البيت انك ادوشي يومياً هذا امر ضروري جداً نغسلو جسمنا يومياً اما الشعر خلوه يوم بعد يوم للشعره الدهنيه ويومين ف الاسبوع للشعره الجافه؛؛
  • ب النسبه ف نوعيه من الناس عندهم افرازات هلبا يعني جسمهم يفرز ويعرق هلبا ومرات اتكون ب ريحه هلبا حتي بدوش ومزيل ماتمشي معلشي هذا مرض حبيباتي مافيها حشم تمشي لدكتور وتوصفلك علاج لان ف مرض يقولوله حتي ناس قبل يعرفوه ويسمي با البخره ومرات اتجي ف الشعر او الفم او تحت الابط او من تحت المنطقه الحساسه الي عندها ريحه اتكون مش طبيعيه حتي بعد الدوش تقعد هذا عزيزتي مرض وامشي عالجي عليه لا هو عيب ولا هو حرام العيب والي يحشم لما ريحه تبدآ سابقاتك وتحشمك قدام صحابك وعائلتك او زوجك؛؛
  • كيف نختارو نوعية مزيل كويسه انا ننصح ب المزيلات الطبيه وديما اقرو عليهم يكون خالي من الالمونيوم او الكحول لان المزيلات التجاريه تسمر الابط وتسبب تحسس للبشره خاصةً الي بشرتها حساسه انا استعملت قبل من ماركة سيفر وماركة بيوتكس وفيشي مزيلهم يهبل وطبي وما يسبب اسوداد؛؛
  • ف نوعيه تسمي بمضاد التعرق غير المزيل مضاد التعرق هذا يستعمل ف لليل قبل النوم لان مايبيش حركه وتعرقي مش ح يدير مفعوله هذا يستعمل ك علاج للناس الي تفرز مية هلبا بدون ريحه  ف مضاد التعرق هذا حلكم وكدا ماركة فيه منها فيشي وسيفر وغيرها؛؛
  • انا الفتره الاخيره استعملت لليم القارص ك مزيل ونزلتلكم بوست عليه وفعلاً مشي معاي تمام التمام لا عرق ولا ميه ولا شي وريحته منعشه ويبض الابط انا شخصياً مشي معاي ميه ميه؛؛
  • الآمهات حبيباتي عادي تجيبي بنتك الي كيف باديه مشوار الحياة وتعلميها ع انه النظافه هي الاساس خليها صاحبتك وعلميها انه اللبس والمكياج هذا امر مكمل وغير اساسي الآساسي هي نظافة الشخصيه لان انلاحظ ف بنات هلبا بصدق مرات نبي نكلمها بس نتحشم ومنبيش نسببلها احراج ف الآمهات هنا ليهم دور كبير وربي يحفظ جميع آمهاتنا يارب؛؛

وبس فلدات تشبدي اتمني بوست مفيد خاصة جاينا الصيف يعني الموضوع يبي حمامات وتغير ملابس داخليه بزياده صيف واختارو ملابس داخليه قطنيه باش تمتص العرق وماتسبب اسوداد ؛؛ ودومتم متألقات اوووهبكم اموووواه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Animated Social Media Icons by Acurax Wordpress Development Company
error: Content is protected !!