استخدام الليمون [استخدامه ك مزيل عرق]

مساؤ ورد بنوتاتي ومداماتي الطرفونات,,

حبيباتي قلبي اليوم بنقوللكم ع تجربتي الشخصيه مع الليمون مع اني كنت ضد الفكره ولكن بعد ما جربتها عجبتني وحبيت انشارك بتجربتي؛؛

666

  • القصه ومافيها مع ليم العصر او لليمون مره صديقه عزيزه عليا شوفتها تستعمل فيه ك مزيل عرق طبعاً انا انجلطت وقلت خيرها هادي شكلها هبلت بس بعد ماسآلتها قالتلي فايدة لليمون لاتعد ولاتحصي قالتلي انا نستعمل فيه بعد الدوش ك مزيل عرق طبيعي ومستحيل اتشمي ريحه عرق او ريحه مش حلوه وغير الريحه قالتلي يبيض تحت الابط ومايخليش اثر اسود زي المزيلات التجاريه قلتها متآكده قالتلي جربي وشوفي؛؛
  • انا شوقتني الحكايه وقلت ولله لما نجرب ماعندي ما نخسر وقلت اما تمشي معاي او تبدا الوشواشه وراي طوايبر ف جرتي ع المهم دوشت وبعد ماكملت الدوش جففت جسمي وخديت نص ليمه ودعكت تحت الابط  بالشويه وقلت يا ستار كان هذا غبارتها غباره وما فاتتش دقيقه جف لليم وتلاشا تماماً كآنه شئ لم يكن تعرفو نتيجه رهيبه يا بنات قسم ب الله لا ريحه ولا عرق ولا شي ماتقولوش تقعد ريحته حامضه ب العكس مافيشي ريحه كآنها طبيعيه وفرش تنعش بجد رهيب ومعاش استغنيت عليه ع طول اندير فيها وللعلم بشرتي حساسه جداً ولكن ما تحسستش تحت الابط؛؛
  • بجد الموضوع يستحق التجربه يا بنوتاتي ومداماتي لان بعد ماقعدت ندور ونقرا القيت كدا بولقر وخبيرة تستعمل فيها الطريقه هادي لان بجد فعاله ومزيل عرق طبيعي بدون ما يسود تحت الابط؛؛
  • ملاحظة الي بشرتها تتحسس من الحمضيات ماتستعمله لان مرات يسببلها تحسس تحت الابط وفي حالة هادي خودو مزيل عرق طبي من ماركة فيشي حتي هو رهيب ونزلت بوست عليه فيما سبق،،

وبس برنسيساتي اتمني الافاده للحميع دومتم متألقات اااوهبكم امووواه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Animated Social Media Icons by Acurax Wordpress Development Company
error: Content is protected !!