مسائكم ورد بنوتاتي ومداماتي الطرفونات،،
حبيبات قلبي بوست سريع ع نوع مقشر تجاري للبشره روووووعه وحتي سعره مناسب جداً،،
- قبل مانبدآ ف البوست بنقوللكم شني فائدة التقشير للبشره سواء كان طبيعي او تجاري وعلاش المفروض يكون ف روتينا الاسبوعي للاهتمام ب بشرتنا هو لتقشير وتجديد خلايا البشره وتوحيد لونها وازالة الطبقة الميته من الجلد علاش يستعمل مره ف الاسبوع لان كثرت تقشير البشره ب استمرار تسبب التهاب ف الجلد وجفاف حاد فلهذا كل حاجه تستعمل ب اصولها؛؛
- ولكن ف انواع للمقشرات ف نوع يكون مقشر ثقيل وتقشيره عميق جداً هذا يستخدم مره واحده فقط وفي نوع تقشره خفيف ولطيف يستخدم للجسم يوم بعد يوم عادي وللوجه مرتين ف الاسبوع؛؛
- اما بالنسبه للمقشر ماركة روز فعلاً الماركة هادي اكتشفتها مؤخراً وعجبتني ع الاخر سواء ف مية الورد ونزلت عليها بوست فيما سبق او ف مقشر للبشره رررررهيب بجد تقشيره لطيف وحلو تقدرو تستخدموه 3مرات ف الاسبوع للجسم ومن مره لمرتين ف الاسبوع للوجه بجد حلو ننصحكم بيه وسعره 6دينار ليبي متوفر ف العطريات ماركة روز صناعه اوربيه بس حلوه ف منتجاتها للاهتمام بالبشره؛؛
- طريقة استعمال المقشر هو ضروري تكون البشره مبللوله ما تقشرو ع بشره جافه لان يسبب التهاب وتنجرح بشرتك وديما قشرو بحركه دائريه خفيفه انا نستخدم ف قفاز التقشير من بودي شوب ولكن انتم تقدرو تستخدمو الي يعجبكم ولكن ح تشوفو النعومه والاشراقه بعد استخدام المقشر وكيف تتحول الطبقه الميته كلها؛؛
- بعد ما تستخدمو المقشر اغسلوا جسمكم عادي بشامبو الجسم ولكن ماتنسوش انه ضروري تمصمصو بالميه المصقعه باش تتسكر المسام واكيد بعد الدوش ترطبو جسمكم بالمرطب الي ترتاحو عليه انا شخصياً نستخدم ف لوشن بيبانتين طبي ويستخدم لجميع انحاء الجسم بدون خوف؛؛
- ملاحظة صغيرونه هي ع مية الورد ماركة روز الي ف صورة البوست ف ناس قالتلي ف تعليقات انها لما يمسحو بيها وجهم يقعد يوزوز حبيباتي هي مية ورد مركزه جداً و وقويه خففوها بالميه المعدنيه تمشي امورها لان ف انواع من البشرات ما تتحمل مية الورد القويه؛؛
وبس فلذات تشبدي اتمني الافاده للجميع دومتم متآلقات اااوهبكم اامووواه.
