‏طريقة دمج الايشادو + [الظلال الي تناسب انواع العيون]

مسائكم سعيد بنوتاتي ومداماتي الطرفونات،،
حبيبات قلبي اليوم درتلكم بوست+فيديو ع تعليم دمج الظلال بطريقة مبسطه؛؛

315

  • اول شي لو تبو ظلالكم ثابته والوانها قويه ضروري تستخدمو بيس ع كامل جفن عينك لتوحيد لون وتثبيت الظلال وتقوية اللون لو مش متوفر عندك البيس استخدمو بدله كونسيلر=خافي او شويه من الاساس امتاعكم بعد ما تدمجوه ع كامل جفن عينك اثبتوه اما ب باودر او بلون ظل يكون درجته نود الي هي لون طبيعي نفس الجفن باش تقدر تدمجي الاظلال بدون ما طبع معاك ع جيهه غير جيهه؛؛
  • تاني شي تستخدم لون انتقالي ع كسرة العين الي يجي درجات المشمي الهادئ او المتوسط ديما للون الانتقالي يكون فاتح باش يعطي لدمج ظلال شكل حلو؛؛
  • ثالث شي ف اي لوك تستخدميه لظلال عينك ديما اختاري 3 درجات منه هو للون الهادئ وللون المتوسط وللون الداكن ديما نبدو الدمج ع كسرة العين باللون الهادئ وكل مره نزيدو درجة لون ف الدمج باش يطلع مرتب ومدموج كويس؛؛
  • رابع شي الالون الغامقه ديما ابدو تحطو بالشويه وبعدها ادمجو لو حسيتو للون مازال يبي ثقلي اللون بالشويه بالشويه وادمجي وهكذا؛؛
  • خامس شي الالوان الفاتحه او الي فيها قلتر=رش او لمعه اغلبية تستخدم ع جفن المتحرك بداية العين وفي حالة بديري لون غامق ع جفن متحرك ديما حطي بالشويه من منبت الرموش العلويه وادمجي كويس بالفرشه لين توصلي للدرجه الي تبيها؛؛
  • سادس شي لتسهيل الدمج ديما تكون عندكم 3 فرش فرشه تحطي بيها للون وفرشه تقعد نظيفه لدمج الالوان وفرشه حجمها صغير لدمج الالوان ف المساحات الصغيره للعين؛؛
  • بالنسبه للحواجب يا اما تبدي برسمهم ف البدايه وهذا افضلكم باش تحددو مساحة العين تكون واضحه وتعرفي كيف تحطي ظلالك اما الناس الي عندها خبره تقدر تخلي الحواجب رسمهم اخر حاجه،،
  • وبالنسبه لآفضل ماركات للظلال بنقول من الغالي للرخيص بالترتيب:
    [ ماك. ميكب فورايفر. انستازيا. ميكب قيق. نيكد انقلوت. ميلانو. كريولاين. فورايفر52. برجوا. لوريال. ميبلين. قولدن روز. مس روز. كاراجا. ديبورا] وفي كدا ماركة ممتازه؛؛

وبس برنسيساتي اتمني الافاده للجميع دومتم متآلقات ااااوهبكم ااااموااااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Social Media Widget Powered by Acurax Web Development Company
error: Content is protected !!