خطوات المكياج [2]

صباحكم ورد بنوتاتي ومداماتي الطرفونات،،
حبيبات قلبي بوست+فيديو ع خطوات المكياج الصحيحه او ترتيبها الصحيح؛؛

6c29055e0babc233b80954705e44b1809a3b57bdaf08c9ff5077b73d0dc65659

  • قبل مانبدآ ف البوست بنقوللكم كل واحده وشني تفضل ف طريقة او خطوات مكياجها بس انا حبيبت انوضح حاجات معينه لان ف عضوات يتخلبطو ف ترتيب خطوات مكياجهم؛؛
  • اول شي باش يكون مكياجك نظيف ضروري تحولي شعر وجهك قبل مناسبتك ب3/4 ايام باش تهدآ بشرتك وردو بالكم من انكم تمكيجوا ف نفس يوم ازالة شعر وجهك لان ح يدمر تماماً؛؛
  • تاني شي هو قبل يوم مناسبتك ف لليل اديري تقشير لوجهك ب اي مقشر يعجبك واكيد المفضل عندي مقشر القهوه ممتاز للبشره يحول كل القشور الميته واكيد ترطبو بكريم مرطب ف لليل وجهكم قبل النوم باش تنوضي تلقي وجهك يللش من بعيد؛؛
  • ثالث شي يوم مناسبتك قبل ماتبدي مكياجك يكون وجهك نظيف وايديك نظاف لان بتحطي بيهم مكياج ع وجهك ولو تستخدمي ف فرش يكونو نظاف اكيد باش تتضمني انه ماتنقلي جراثيم لبشرتك؛؛
  • رابع شي ف ناس تبدآ بمكياج عيونها قبل وجهها وفي العكس ولكن انا شخصياً انفضل الي بدير مكياج عيونها ثقيل سموكي او فيه رش تبدآ بمكياج العيون قبل الوجه باش اي حاجه اطيح من ظلال ع وجهك تقدري تمسحيها بالوايبس بكل سهوله؛؛
    ـ ملاحظة قبل ماتبدي مكياج عيونك استخدمي قطرة مصفيه باش ماتدمع عينك او تولي حمراء،،
  • خامس شي خطوات مكياج الوجه الي ديما ننسئل عليها هي ضروري تستخدمو كريم مرطب قبل ماتحطي مكياج لوجهك ف حالة بشرتك جافه اما ف حالة بشرتك دهنيه او مختلطه استخدمي بيس يقلل نسبة زيوت بشرتك وننصحكم ب نيفيا افتر شيف الرجالي هلبا ك استخدامه برايمر للوجه قبل المكياج رهيب بجد ويناسب جميع انواع البشره خودو الي لونه ابيض وحتي رخيص ف سعره؛؛
  • سادس شي ف كدا طريقه لاستخدام كريم الاساس ف حالة بتحطي الاساس قبل الخافي امتاعك عادي وفي حالة العكس عادي الفرق بينهم انه لو حطيتي خافي عيوب قبل الاساس تغطيه اقل ولو حطيتي اساس وبعده خافي عيوب تغطيته اعلي وفي حالة تحطي الاساس ع كل الوجه ماعاد تحت العيون عادي وتحطي خافي عيوب تحت عيونك والاماكن الي فيها تصبغات وتدمجي كل شي مع بعضه؛؛
  • سابع نقطه هي تثبيت الاساس ضروري بالباودر امتاعك وتحت عيونك للثبيت الخافي ضروري باش ما يخطط تحت عيونك كدا ماركة ممتازه ولكن الناس الي ماتقدر تشري ماركات غاليه تقدرو تستخدمو بودرة جونسون للاطفال للثبيت الاساس والخافي رهييييبه بجد انا شخصياً نستخدم فيها؛؛
  • ثامن نقطه هي الي تحب الكونتور تقدري تستخدميه بعده احمر خدود وبعده الاضاءه امتاعك تحطي منها ع عظمة الخد وارنبة الانف ودمعة العين وعظمة الحاجب؛؛
  • واكيد اخر شي هو الروج او القلوس للشفايف؛؛

وبس برنسيساتي اتمني الافاده للجميع دومتم متآلقات اااوهبكم امووواه..

 

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP Facebook Auto Publish Powered By : XYZScripts.com
Floating Social Media Icons by Acurax Wordpress Designers
error: Content is protected !!