صباحو فل بنوتاتي ومدامات الجميلات،،
حبيبات قلبي بوست ح يفيد الناس الي تحب تركب اظافر ف البيت اقل تكلفه واقل دوشه؛؛
- قبل كل شي الناس الي ظوافرها حلوه وطويله ومهتمه بيها اكيد مش ح تحتاج والناس الي زيني ماتحب اطول ظوافرها بس يحبو التغير ف مناسبه يركبو اظافر صناعيه ح نقوللكم ع الطريقه مبسطه وسهله،،
- اول شي ضروري تقلمي اظافرك الطبيعيه وتبرديها باش لما تركبي الظفر الصناعي يكون ع نظافه ويبان احلا؛؛
- تاني شي هي تختاري اظافر صناعيه نفس حجم ظفرك الطبيعي يعني ع قياس ظفرك الطبيعي باش مايبان اصطناعي؛؛
- ثالث شي تختارو لصقة كويسه تكون مخصصه للاظافر ردو بالكم اديرو كارثة بعض المزينات يديرو فيها يستخدمو ف لصقة الاميرة ردو بالكم لان بعدين ماتحولي الظفر الصناعي لين تطلع روحك وبدمه والمه رهيب فلهذا تاخدو لصقة مخصصه للاظافر؛؛
- رابع شي لما بتجو تركبو الظفر الصناعي تحطو شوية من لصقة الاظافر استني عليها ثواني وبعدها لصقي الظفر دخليه شويه داخل الزوايد متاع الظفر باش يثبت معاك؛؛
- استنوا عليهم10 دقايق يثبتوا وبعدها تقدرو تبردوهم بالمبرد لو في زوايد وتقدرو تحطو اللون الي يعجبكم من الزمالطو اكيد؛؛
- ع فكرة الزمالطو يثبت اكثر ع ظفر الصناعي ولو خاطركم اديرو رش ع ظفر معين يطلع حلو؛؛
- به لما تبو تحولو الاظافر الصناعيه تاخدو صونيه غارقه او مالقي فيه ميه دافيه نقعي فيها اظافرك لمدة 5/10 دقايق ح يطيحو ع طول الاظافر الصناعيه؛؛
وبس برنسيساتي يومكم مبروك وعدوكم مهلوك دومتم متآلقات اوووهبكم اااموووواااه..
