حاجات استعملتها وعجبتني

مسائكم ورد اخر لليل بنوتاتي ومداماتي الطرفونات،،
حبيبات قلبي بوست خفيف بحاجات استعملتها وعجبتني حبيت انفيدكم بيها؛؛

312

  • قبل ما نبدآ ف البوست بجد يرايت بدون تعليقات مش حلوه لان الغرض من البوست الافاده مش التلقيح؛؛
  • اول شي بنحكي ع نيفيا افتر شيف الرجالي ما تنخلعوا من كلامي هو وظيفته للرجال انه يلطف بشرتهم بعد الحلاقه ولكن وظيفته للنساء حاجه تانيه الي يستعمل ك برايمر تحت المكياج كيف وعلاش انقوللكم الاختراع هذا اول ميكب ارتست طلعت بيه هي نيكي توتوريل من اهم واكبر خبيرات التجميل ع مستوي عالم بعد ما استعملاته وكان من حاجات المفضله لسنة 2015 ك افضل برايمر وارخصهم ف السعر؛؛
  • شني معني البرايمر وشني وظيفته هو يستخدم اول حاجه قبل ما تحطي مكياجك باش يثبت المكياج وما يخليه يتكتل او يتجمع ف اماكن دون اماكن ع وجهك يخلي وجهك ناعم وملمس واحد بمعني يديرلك طبقة ناعمه ع وجهك باش لما تحطي كريمة الاساس وباقي مكياجك يطلع بدون عيوب ودمج يكون احلا؛؛
  • به علاش نيفيا افتر شيف وضروري تاخدو الي لونه ابيض زي صورة البوست لان للبشره الحساسه خالي من الكحول تماماً ومن اهم مكوناته جلسرين هذا المكون الرئيسي ف المنتج الي يخلي المكياج يثبت اكثر مده اطول بالفعل انا استخدمته كدا مره وهادي العلبه التانيه بجديات بدون مبالغه انه نيفيا افتر شيف افضل من برايمر ميكب فورايفر الي اغلا منه بعشرات المرات والميزه التانيه انه سعره رخيص خديته ب8 دينار من محلات الجمله للمكياج ف باب غشير جربوه ومش ح تندمو وتقدرو تبحثو ع اليوتيوب اكثر عليه اكتبو ف البحث ريفيو ع نيفيا افتر شيف تلقو كدا ارتست معروفه بدت تستخدم فيه وبدا عندها المفضل؛؛
  1. ملاحظه صغيرونه البرايمر مايفضل استعماله يومياً لان يصكر المسام فلهذا خلو استعماله ف المناسبات والطلعات المهمه فقط لصحة بشرتكم؛؛
  2. الحاجه التانيه انا نستخدم ف حلاقه زي ما تعرفو لاني عندي حساسيه قصوه من الحلوه والشمع ف جسمي نستخدم ف حلاقه وانا شخصياً مرتاحه عليها الناس الي تستخدم ف حلاقه زيني ننصحها بجل الحلاقه امتاع نيفيا الابيض حتي هو للبشره الحساسه وبدون كحول وفعلاً يخلي الجسم ناعم بعد الحلاقه وسعره ب10 دينار متوفر ف كل صيدليات انا خديته ك بديل لان المده هادي قعدت ف ليبيا ومافيش جل حلاقه نسائي ع قد مادورت ف استعنت بنيفيا الرجالي وجاب معاي نتيجه؛؛
  3. الحاجه الثالثه هي ماكينة الحلاقه انا نستخدم ف االشفره العاديه افضلهم ماركة فينوس ولان ف ليبيا ناقصه النسائيه خديت هادي ك بديل ليها بجد شفرتها ناعمه وحتي شكلها حلو وتجي معاها شفرات للتغير خديتها من سوق الحايس تقريبا سعرها ف حدود 13/15 دينار عادي تقعدكم معاكم فتره لانها من نوعيه الماكينه ثابته ولكن شفرتها تتغير؛؛

وبس برنسيساتي اتمني الافاده للجميع دومتم متآلقات اوووهبكم اااموووواه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Floating Social Media Icons by Acurax Wordpress Designers
error: Content is protected !!