[حليب بودره+حليب باكو]
صباحكم مبروك وعدوكم مهلوك بنوتاتي ومداماتي الطرفونات؛؛
البوست المفروض انزله امس بس للآسف كان النت تعبان ع الاخر؛؛
حبيبات قلبي بوست مهم للبشره الجافه او المتهيجه او الي فيها قشور وتجاعيد وبقع داكنه،،
- انا قبل شويه درت ماسك حليب لوجهي لان وجهي الفتره هادي متحسس وجاف نوعاً ما بسبب علاج ناخد فيه فلهذا نحاول قدر الاستطاع نرطب بكريمات او اندير ااقنعه تهدي التحسس وترطب بشرتي وف نفس الوقت تعطيها نظاره واكيد بمكونات سهله وبسيطه جداً؛؛
- قناع الحليب فوائده للبشره لاتعد ولا تحصي منها ترطيب البشره ويعطيها اشراقه ررهيبه ويورد الخدود غير انه يشد البشره ويقلل من التجاعيد والمسامات ويهدئ البشره الي بسرعه تتحسس واكيد يقضي ع الجفاف والقشور المزعجه بجد ننصح بيه هلبا حتي للناس الي عندها اسوداد وحروق بسبب تعرضها للشمس وعادي الماسك هذا تقدرو تستعملوه بشكل يومي مافي اي ضرر ع البشره بالعكس يعالجها من تصبغات الشمس او حتي اثر الحب يخفف منها رهيب ع الاخر ونتيجه تشوفها من اول استخدام كيف يعطي اشراقه حلوووه لوجهك،،
- هو تقدرو تستخدموه بكدا طريقه بس انا اليوم استخدمت كاشيك صغير من حليب البودره+ كاشيك صغير من حليب الباكو خلطهم وحطيتهم ع وجهي طبعاً يكون الوجه نظيف والافضل تغسلوا بمية دافيه باش ينفتحوا المسام ويدير القناع مفعول اقوي للوجه يقعد ع وجهك من 15/20 دقيقه لين تحسي بيه جف وشد البشره بعدها اغسلي بميه دافيه وع طول مسقعه باش تصكري المسام والافضل تمسحي وجهك بمية ورد بعد القناع واكيد بتحطي كريم ترطيبك،،
- طبعاً تقدرو اضيفوله زبادي طبيعي لحليب البودره وتقدرو اضيفوله عسل طبيعي ف حالة بشرتك ما تتحسس من العسل واستمرو عليه يومياً للناس الي عندها تصبغات من الشمس او جافه وعندها قشور ح تشوفو نتيجه حلووووه ع الاخر،،
- الي بشرتها دهنيه بدل حليب البودره ادير نشآ وتقدر تستخدم نفس المكونات عادي؛؛
وبس فلذات تشبدي اتمني الافاده للجميع دومتم متآلقاااات اوووهبكم اااموااااه..
