صحه غداكم بنوتاتي ومداماتي الطرفونات،،
حبيبات قلبي بوست ع السريع لورق امتصاص الزيوت؛؛
- البوست هذا مفيد للناس الي بشرتهم دهنيه او مختلطه لدهنيه يعني عندهم منطقة Tزون تزيت الي منطقة الانف والجبهه والذقن؛؛
- ورق امتصاص زيوت البشره يعني الي بشرتها تفرز ف زيوت بعد ساعه او ساعتين ودير ف لمعه الورق هذا يمتصه كله بدون مايخرب مكياجك او يمسحه هو فقط وظيفته يتمص الزيوت الزايده الي افرزتها البشره وتطفي اللمعه خاصة الي بشرتهم دهنيه ح يستفيدو بيه هلبا طبعاً هو من ماركة انقلوت انا امس شريتهم وبصراحه جربتهم روووعه الورقه امتصت كل الزيوت الزايده الي ع وجهي وطفت اللمعه المزيته خاصةً منطقة الانف والجبهه ب الاخص الي تحط ف كريم ترطيب نهاري او واقي شمس تحتاجه لان بعد ساعتين الواقي مرات يزيت او يدير لمعه ف الوجه؛؛
- طريقة استعماله هو تاخدي ورقه واحده وتقعدي تضغظي ع الجيهات الي ف وجهك يكون فيها زيوت او لمعه ح تلقي الورقه كله امتصت الزيوت هادي بدون ماتخرب مكياجك نفس صورة البوست قبل وبعد و باالمختصر تقدرو اتقولو فكرته نفس ورق الزبده امتاع الطبخ الي ينحط ف الطاجين باش ماتلصق الاكله فيه وتمتص الزيوت؛؛
- الباكو فيه 50 ورقه يعني ح تستعمليه 50 مره لان الورقه الي استعملتيها ح تلوحيها كل ورقه لإستعمال واحد فقط سعره 17 دينار ليبي؛؛
وبس جميلاتي اتمني الافاده للجميع ويومكم مبروك وعدوكم مهلوووك ااووووهبكم اموووا…
