[بالمكياج]
مسائو فل وياسمين بنوتاتي ومداماتي الطرفونات؛؛
حبيبات قلبي بوست خفيف ع اخفاء الهالات بالمكياج؛؛
حبيبات قلبي بوست خفيف ع اخفاء الهالات بالمكياج؛؛
- اكيد كلنا نعانو من الهالات وبدون شك تحت عيونا باندا الي من ضمنهم انا وطبعاً للهالات عدة اسباب منها وراثه او مرض مزمن او اعصاب ف المعدة والقالون او نتيجة الارهاق والتعب؛؛
- كيف نقدرو نخفوهم بالمكياج استخدمو نفس طريقه الي ف البوست علاش لان زي ماتشوفو الخافي لما اديرو منه ف زاوية العين الداخليه يبرزها اكثر ويصحصح العين الذبلانه او الي تكون خاشه داخل الطريقه هادي افضلها باش تعطي اضاءه للعين؛؛
- حاجه تانيه ديما تجيني اسئله كيف نختارو درجة الخافي بنقوللكم ع حسب لون البشره ولون الهالات مثلاً لو هالات هلبا هلبا غامقات استخدمي مصحح لون تحت الخافي ديما يجي لونه ع برتقالي انك تحطيه اول حاجه بعدين تحطي فوقه الخافي يعطيك تغطيه كامله؛؛
- او انك تستخدمي خافي عيوب درجته تكون بيج غامقه وبعدها تحطي فوقه اضاءه بلون البيج الفاتح الي يكون مايل ع بانانا يعطيك اضاءه حلوه للعين؛؛
- ديما اختارو درجة الخافي ف درجات البيج ما تختروها ف درجات الوردي لان الخافي درجة الوردي يقلب اللون ع رصاصي او ازرق بس درجات البيج يعطي اضاءه حلوه للعين ويخفي الهالات كويس؛؛
- بالنسبه ليا الكونسيلر=الخافي الي نستخدم فيه بشكل يومي اما ميبلين فت مي او ميبلين ايدج وعندكم حتي خافي قولدن روز رووووعه الافضل ك استخدام يومي اديرو خافي قوامه خفيف او سائل باش ما يسبب تجاعيد تحت العين لان الخافي الي يكون ستك او ثقيل لو تستخدميه يومي يهلك البشره؛؛
- وطبعاً ضروري تحت الخافي اديرو كريم ترطيب للعيون باش ما يديرش خطوط ولما تحطو الخافي ادمجو ف الاول بصبعك وبعدين ب اسفنجة مكياج تكون مببلوله لان الاسفنجه الجافه اديريلك قشور وتخلي الخافي او الاساس يخطط معاك؛؛
- واخر خطوه لما اثبتوا الكونسيلر=الخافي الافضل تستخدمو البودره الشفافه او الحره خفيفه تحت العين باش ما يتكتل معاك وانا حالياً نستعمل ف بودرة جونسون امتاع الاطفال انثبت بيها ف الخافي تحت عيني ماشيه معاي تمام التمام؛؛)
وبس برنسيساتي اتمني الافاده للجميع دومتم متآلقات اوووهبكم اااموووواه.
