جل مرطب للعين

[ قطرة مصفيه للعيون]
صباحكم فل وزها خاطر بنوتاتي ومداماتي الطرفونات،،

حبيبات قلبي بوست ع السريع لآفضل جل مرطب للعين؛؛
146
  • ف عضوات ع طول يسئلوا فيا تقولي عيوني ادمع وتحمر خاصةً لما نستخدم المكياج بمعني اصح حساسات والي منهم انا لو ما نستخدم قطره لعيوني قبل المكياج تصير فيا حالة العدو يقعدو العيون يدمعو ويحمرو يولو زي الطماطمه غير انه المكياج كله يسيح يعني مآساة فلهذا خديت الجل هذا بناءاً ع كلام دكتورة صديقتي نصحتي بيها وقلتها عادي نستخدمها يومي قالتلي عادي مافيش منها خوف ابداً هي وظيفتها ترطب العين وتمنعها من الجفاف وماتخليهاش ادمع غير انه تعطي ف لمعه لبؤبؤ العين رهيبه وتبان العين صااافيه ع الاخر؛؛
  • القطره هادي تقدرو تستخدموها لمدة 6شهور بعد الفتح عادي عكس قطرات العيون التانيه لمدة شهر وتلوحيها ومافيهاش اي خطوره ع العين بتاتاً عكس القطرات التانيه الي منهم بروزلين لو كثرتي منها تسببلك ضرر للعين؛؛
  • وع فكره تقدرو تستخدموها يوم بعد يوم او مثلاً عندك مناسبه وتبي عيونك صافيات تقدري تستخدميها وتقدري تستخدميها قبل ما تلبسي عدساتك بنص ساعه باش ما ادمع عينك وتصفيها؛؛
  • و متوفره ف اغلب الصيدليات سعرها من 30/40 دينار.
وبس فلذات تشبدي يومكم مبروك وعدوكم مهلوك دومتم متآلقات اااوهبكم اااموااااه.

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Social Media Widget Powered by Acurax Web Development Company
error: Content is protected !!