‏ماسك تقشير للبشره

[مقشر الازر+مطحون قشور البرتقال]

مسائكم فل اخر لليل بنوتاتي ومداماتي المزموزات،،
حبيبات قلبي بوست سريع ع مقشر طبيعي بمكونات سهله ومفيده،،

145

  • توا انا درت مقشر طبيعي ع السريع بصراحه انا نستعمل ف مقشرات الطبيعيه اكثر من التجاريه لان فائدة المقشر واحده والطبيعيه ديما تكون افضل واقل تكلفه بالنسبه للبخيلات بنقوللكم نوضو انشطو تبو بشره نظره وحلوه اهتموا بيها ايوا،،
  • فوائد التقشير للبشره سواء للجسم او للوجه هي تجديد الخلايا وازالة الطبقه والقشور الميته يساعد ع تفتيح البشره وتخفيف من التصبغات واكيد ينعم البشره ويخلي ملمسها بيبي حافظو ع تقشير بشرتكم مره ف الاسبوع والترطيب بشكل يومي قبل النوم وكثرو شرب الميه واكل الفواكه والخضروات قللو من اكل زيوت والشكلاطه باش تكون بشرتكم حلوه ف ناس تقولي ولله مانفضا بنقوللهم لا ياغزالات الاهتمام بالنفس وبشكلك واجب وفرض عليك مافيش شي يمنعك تهتمي بشكلك ومظهرك حتي لما تشوفي ف المرايا تكوني راضيه ع نفسك داخلياً وخارجياً؛؛
  • بالنسبه لمكونات المقشر سهله وبسيطه هي كاشيك صغير من الرز المرحي+قشور البرتقال مرحيه+زيت زيتون+مية ورد تخلطوهم مع بعض قوامه يكون وسط زي شكل صورة البوست يعني تقدري تدلكيه ع وجهك وع جسمك بسهوله؛؛
  • طريقة الاستخدام اغسلي وجهك كويس بالميه الدافيه باش تفتحي المسام وادلكي بالمقشر ع وجهك بحركه دائريه خفيفه بعدها خليه لمدة10 دقايق واغسلي وجهك ف الاول بالميه الدافيه بعدها بالبارده باش تسكري المسام واكيد بعد كل مقشر تستخدمي كريم ترطيب وع طول ننصح بكريم بيبانتين للوجه وب لوشن بيبانتين للجسم؛؛
  • اكيد تستخدميه مره ف الاسبوع والي تتحسس من الحمضيات تلغي قشور البرتقال بس بنقوللكم مقشر الارز من اقوي المقشرات الطبيعيه للبشره وتشوفو النتيجه وقتي يخلي الوجه يضوي رررررهيب واكيد سر جمال بشرة الآسيويين؛؛

وبس غالياتي دومتم متآلقات اوووهبكم ااامووواه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP Facebook Auto Publish Powered By : XYZScripts.com
Floating Social Media Icons by Acurax Wordpress Designers
error: Content is protected !!