‫فوائد فيتامين ـ سي

[ للبشره وللجسم ]

مسائكم فل وزها خاطر بنوتاتي ومداماتي الجميلات،،
حبيبات قلبي بوست ع السريع فوار فيتامين سي،،

144

  • فوائد فيتامين سي لاتعد ولا تحصي للبشره وللجسم وللشعر بس خلينا ف فوائد للجسم هو يعطيكم طاقه ويفضل تاخدوه الصبح ح يفيد اكثر الناس الي ماتشربش ف كافين الي هي القهوه ومن ضمنهم انا هذا علاش ناخد فيه يعطيني طاقه اكثر يعني نصحصح لان ع طول ف سهور وارهاق؛؛
  • غير انه فوائده للبشره هلبا هلبات من ضمنهم تفتيح البشره يعطيها اشراقه غير انه البشرة الي رقيقه وهشه فيتامين سي يعطيها سماكه اكثر والي بشرتها باهته فيتامين سي ح ينفعها هلبا؛؛
  • طبعاً الجرعه الطبيعيه هو تاخدو حبه ف اليوم يومياً وسئلت دكتوره عليها قالتلي عادي لان فيتامين سي يعتبر مائي واي كمية زايده ح تطلع من الجسم عن طريق العرق او الكلي عكس فيتامينات الزيته الي تكون كبسولات لازجيه هذايكا ليها مده معينه وتاخدوها عن طريق دكتور؛؛
  • واكيد تقدرو تستخدمو للبشره ك ماسك يعني حبة الفوار تقدرو تطحنوها وتخلطوها بشوية مية ورد او حتي ميه عاديه وتاخدو بعود اوذان تحطوها ع اي حبه او تصبغات الحبوب تخلوها نص ساعه وتغسلوا وتقدرو تستخدموه يومياً مافيش مشكله؛؛

غير انه حبة الفوار استنوها ادوب بعدها تحطوها ف شيشة بخاخ وترشو بيها وجهكم كل صبح تخلوه 5دقايق وبعدها اغسلوا وجهكم عادي؛؛

وبس برنسيساتي اتمني الافاده للجميع دومتم متآلقات اااوهبكم اااموووواه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Social Media Integration by Acurax Wordpress Developers
error: Content is protected !!