[مطحون قشور البرتقال]
مسائكم فل اخر لليل بنوتاتي ومداماتي الطرفونات،،
حبيبات قلبي بوست ع السريع طريقة مقشر البشره سريع وسهل؛؛
- اكيد كلكم تاكلوا ف البرتقال يعني فاكهه بتكون متوفره ف فصل الشتاء عند اغلب الناس بنقوللكم انكم كولو الليمه من داخلها والقشور ما تلوحوها خلوها تنشف وتجف لين تيبس وبعدين ارحوها وغربلو القشور هادي باش تكون ناعمه لما تستخدموها ك تقشير او قناع للوجه؛؛
- طريقه اسهل مايكون نعرفكم بخيلات قلت نحول منكم السبل الزايده هي تاخدو مطحون قشور البرتقال وتخلطوها ب بغسولك الي تستخدمي فيه وبعدها تقشري وجهك بحركه دائريه خفيفه خلوه 5دقايق وبعدين اغسلوا وجهكم بميه دافيه وبعدها مصقعه باش تسكرو المسام؛؛
- وتقدرو تستخدموه لتقشير الجسم هو تاخدو مطحون قشور البرتقال خلطوها مع شامبو الجسم وبحركة دائريه خفيفه ع جسمكم 5دقايق واغسلوا؛؛
- تقدرو اديرو اضافه ب قطرات من ليم العصر يعني لو بشرتك ماتتحسس من الحمضيات استخدميه؛؛
- فائدة المقشر هذا يفتح البشره ويعالج تصبغات الجلد لان برتقال فيتامين سي صافي ننصحكم هلبا ب استخدامه خاصةً الي عندهم تصبغات حب شباب؛؛
- التقشير هذا ناعم ع البشره يعني تقدرو تستخدموه مرتين ف الاسبوع عادي مافيش مشكله؛؛
- ملاحظه انه لو ماعندكم جهد تجففو قشور البرتقال تقدرو تاخدو فيتامين سي الفوار من الصيدليه تاخدو حبه تطحنوها وتستخدموها نفس الشي بس فيتامين سي الفوار ح يكون مركز واقوي من مطحون قشور البرتقال فلهذا الي تتحسس من الحمضيات ماتستخدماش؛؛
- ف حالة صارلك تحسس تقدرو تستخدمو كريم فوسيدين الي خطه احمر واسود عليه حرف H تدهنو بيه قبل النوم ح يحول التحسس تماماً؛؛
وبس جميلاتي اتمني الافاده للجميع دومتم متآلقات اااوهبكم امووواه
