[ لوريال/ برودجي ]
مسائكم حب اخر الليل بنوتاتي ومداماتي الطرفونات،،
حبيبات قلبي بوست ع صبغة لوريال الخاليه من الامونيا اسمها (برودجي)،،
- الصبغه هادي اافضل خيار الي يحبو يصبغوا شعرهم ديما خاصةً الي عندهم الشيب ملزمين يصبغوا ديما باش يخفوا الشيب او الناس الي امدايره علاجات الشعر زي البروتين او غيره من العلاجات لانه هي خاليه من الامونيا الي تهلك واضر الشعر والي تسبب تقصف وغيره من الاضرار والناس الي عندها حساسيه من الامونيا الافضل تاخدو النوع هذا من الصبغه؛؛
- طبعاً ماركة لوريال صدرت اول نوع خالي من الامونيا اسمه (كاستنق) وبعده صدرت نوع جديد اسمه (برودجي) يعني هاذي اخر اصدار لوريال ف نوع الصبغه الي خاليه من الامونيا؛؛
- انا للامانه اول مره نجربها برودجي واستعملتها هي لان مدايره لشعري بروتين بصراحه روووووعه ع الاخر الي عجبني فيها انه مافيها ريحة الامونيا او الاكسجين المزعجه الي يصدع الراس وريحتها زي الفواكه غير انه ما تحرقش ف فروة الراس لما تصبغيها واكيد طلعلي نفس اللون الي اخترته هو درجات التشكلط رقمه 5.30؛؛
- طريقة استعمالها سهله جداً هو تاخدي رقم 1 و2 وتخلطيهم مع بعض ف الشيشه الي جايا مع الصبغه وبعدها اصبغي شعرك نص ساعه واغسلي واستعملي بلسم الصبغه ع اطراف شعرك باش يعطيه لمعه حلوه؛؛
- ملاحظات بسيطه
- قبل ما تصبغي شعرك اعرفيها هو لما تنوي تصبغي شعرك يكون مش نظيف يعني خلي 3/4 ايام ماتغسلي شعرك وبعدها اصبغي عادي لان الطبقه الي بيكونها شعرك لما مايكون نظيف تحمي فروة شعرك من الصبغه؛؛
- تاني ملاحظه قبل ما تبدي تصبغي ادهني جبهتك و اوذانك ورقبتك بالفازلين باش لو تلبزتي بالصبغه تقدري تمسحيها بالقطنه بكل سهوله بدون ماتصبغ ف بشرتك؛؛
- ثالث نصيحه لما تبدي تصبغي شعرك ابدي من تحت لفوق يعني اقسمي شعرك 4اجزاء واصبغي الجزء الي تحت واركبي بالشويه توصلي النص وقفي واخر 10 دقايق اصبغي من القدام او الجذور لان الحراره ف الجذور من قدام عاليه ف ياخد فيها للون بسرعه فلهذا اتبعي الطريقه هادي باش يجيك لون واحد مش لون بلون؛؛
وبس مزموزاتي اتمني الافاده للجميع دومتم متآلقات اوووهبكم اموووواه
