[ماركة ميبلين]
مسائكم فل مفلفل بنوتاتي ومداماتي الطرفونات،،
حبيبات قلبي بوست خفيف ع افضل خافي عيوب للاستخدام اليومي؛؛
حبيبات قلبي بوست خفيف ع افضل خافي عيوب للاستخدام اليومي؛؛
- واكيد البوست من وجهة نظري ومقارنتي مابين الماركات الي استخدمتها حبيت انفيدكم بيه باش الي تبي تطلع وتاخد عيوب لليومي تكون عندها فكره شني تاخد وما يضيعوا فلوسها ع الفاضي او حاجه تتلوح؛؛
- علاش قلت خافي للاستخدام اليومي طبعاً ف ناس الي عندها هالات تحت عيونها زي الباندا والي من ضمنهم انا تستحق ادير خافي عيوب باش يخفي الهالات ويعطيها اضاءه تحت عينها ما تبانش اتقول مدمنة هههه ولكن النوعيه هادي من الخافي تغطيه متاعه متوسطه وخفيفه يعني عادي لو استخدمتيه بشكل يومي مايسبب اي ضرر او انسداد مسام او تجاعيد؛؛
- النوع الاول خافي عيوب من ماركة ميبلين مجموعة (فت مي) شكله ف صورة البوست بصراحه من احلا وافضل انواع كونسيلر خافي العيوب الي استخدمتها ف حياتي رهيب والاحلا الي فيه انه لكود يعني سائل سهل الاستخدام تغطيه امتاعه وسط والحلو الي فيه انه ما يديرش تكتلات تحت العين خفيف استخدامه وع فكره الكونسيلر هذا يقارنو فيه ب كونسيلر ماركة (نارس) وهي من اغلا واجود الماركات ع مستوي عالمي تقيمي ليه 9من10 انا درجة لوني لايت جاي للون ع بيج وسعره رخيض ف حدود 15 دينار ليبي ومتوفر ف اغلب محلات المكياج؛؛
- النوع التاني خافي عيوب حتي هو من ماركة ميبلين ولكن من مجموعة (انستنت ايج ريوايند) صورته ف البوست نوعه جاي مابين لكود يعني سائل ومابين ستك يعني جامد اخفاءه اقوي بدرجتين من خافي (فت مي) وحتي اضاءته اقوي انا بصراحه نفضل فت مي اكثر للاستخدام اليومي يعني الخافي هذا الي بشرتها تزيت هلبا ح يناسبها اكثر لان جامد نوعاً ما بس استخدامه حلووو ع الاخر درجتي الي خديتها 150 للون جاي بانانا وحتي هو سعره ف حدود 15 دينار ليبي تقيمي ليه 8من 10 واكيد متوفر ف اغلب محلات المكياج؛؛
- ملاحظه تقدري عادي تستخدمي خافي بدون كريم اساس زي ما اندير انا ولكن ما تقدريش تستخدمي كريم اساس بدون خافي لان تحت عيونك ح يقلب ع رمادي واكيد تحاولي اثبتيه الخافي بالبودره الحره او زي ما اندير انا مؤخراً وحبيتها هلبا هو انثبت ف الخافي ب بودرة جونسون للاطفال؛؛
وبس برنسيساتي اتمني الافاده للجميع دومتم جميلات اوووهبكم اموووااااه..![]()
