[ طريقة سهله جداً ]
مسائكم فل وزها خاطر بنوتاتي ومداماتي المزموزات،،
حبيبات قلبي بوست خفيف ع رسمة العين لان بجد من كثر التعليقات الي تجيني كيف نرسم عيني حبيت انفيدكم بطريقه سهله وبسيطه ومع اني منزله فيما سبق بوست ع رسم العين بس زيادة الخير خيرين؛؛
- هلبا تعليقات تجيني ياجود نبي نتعلم رسمة العين اول شي يا غالياتي لو ما تتمرني عليها مستحيل ح تعرفي ترسمي عينك كلنا بدايتنا كانت صعبه بس مع الممارسه تتعلمي كيف ترسمي عينك وتبدي تزبطي الرسمه الي تطلع ع عينك والي ماتطلعش،،
- تاني شي الناس المبتدئه ف رسمة العين انا ننصحكم اول ما تجي تمكيجي اابدي بمكياج العيون قبل الوجه باش حتي كان لبزتي وتبي تعدلي يبدا ساهل تعدلي وما تمسحي كريمة الاساس والبودره وتعاودي من اول وجديد،،
- ثالث شي لما بترسمي عينك حاولي ف بدايتك اثبتي ايديك ع مرايا امتاع الدولاب ف دارك او جكماجتك باش ايدك ماترعش والرسمه تجيك مساويه مش مزقزقه؛؛
- رابع شي في ناس تبدا ف رسمة العين من قدام للنهاية العين وفي العكس تبدآ بنهاية العين للقدام بنقوللكم استعملوا الطريقه الي ترتاحو عليها وتشوفوها مناسبه وسهله ف نظركم انا عن نفسي نبدآ بنهاية العين يعني نرسم جناح الاخير وبعدها نكمل للبدايه؛؛
- خامس شي ااسهل طريقه لتصحيح رسمة العين لما تكملي رسمة عينك وتحسي نهايتها معوجه او غليظه او تبي تصحيح تاخدي عود اوذان يبدآ فيه شوية مزيل مكياج وعدلي نهاية الرسمه كيف مايعجبك نفس صورة البوست وامسحي الزياده؛؛
- سادس شي الناس المبتدئه ننصحها ترسم عينها ب ايلاينر الي شكله زي الخطاط في كدا ماركة حلوه علاش قلت الخطاط لان ثابت ويساعدك ف الرسم افضل من ايلاينر السائل او جل ايلاينر يعني ك مبتدئه ارسمي بالخطاط لين تتعلمي كويس وبعدها معاش يبدآ عندك اي مشكله ترسمي عينك ب اي شي عادي؛؛
- ااااهم شي حبوباتي الممارسه تمرنو حتي تلقي روحك ماعندك شي ف الحوش تعلمي ترسمي عينك مره واتنين وثلاثه ولله ح تشوفي روحك كيف بديتي محترفه ف رسمة عينك؛؛
وبس برنسيساتي اتمني الافاده للجميع دومتم متآلقات ااوهبكم امووواه..
