مساؤ ورد اخر لليل بنوتاتي ومداماتي الطرفونات،،
حبيبات قلبي بوست خفيف ع للوك درته توا لان نجرب ف حاجات جديده،،

• طبعاً جربت رموش اول مره نلبسهم من كريولاين درماتك يعني شكلهم قوي بس حلو مقبول واكيد ينفعواا للمناسبات وخاصةً السموكي يطلعوا تحفه ويقوي اللوك والاهم خفاف ع العين رقمهم(TV4)تي ڤي 4،،
• والي جربته جديد هو ظلال كريولاين البيقمنت يعني الي يجي شكلهم زي الغبره حطتهم قويه وزي ما تشوفو لمعتهم ف الصوره جربت للون السلفر السموكي يعني الفضي المدخن وجربت لون تاني زي المشمشي بس استعملته ك اضاءه ع عظمة الخد وارنبت الانف؛؛
• ملاحظة صغيرونه انا من النوع الي نحب الهايلايتر او الاضاءه ونحب انكثرها ولكن انتم تقدرو تقللوا منها او تستغنوا عنها طبعاً ع حسب الذوق ولكن الي بشرتها صافيه وماعندها مسام تقدر تاخد راحتها ف الاضاءه كيف ماتبي ؛؛
• بالنسبه للروج لو تبي للوك اقوي من هكي ديري للون فاقع درجات الاحمر،،
  *اما لو تبي شكلك اهدي تقدري تستعملي الالوان النود الي هي للحميه البيج،،
  ـ بس انا اخترت لون يعتبر وسط لونه بني ع بينك من نيكس؛؛
• حق نسيت بنقوللكم حاجه جديده جربتها هي بودرة جونسون للاطفال هههههه ثبتت بيها الكونسيلر استخدمتها نفس البودره الشفافه وبصراحه نتيجه رهيبه زي ماتشوفو ولله نفس نتيجه البودره الشفافه بالزبط و الكونسيلر ماخطط تحت عيني ودرت منها حتي جيهة الانف والجبهه باش تمتص اي زيوت؛؛
• ح نحطلكم صوره بالحاجات الجديده الي جربتها ف التعليقات؛؛

وبس برنسيساتي ااتمني الافاده للجميع دومتم متآلقات ااوهبكم ااموااااه..