‏قناع لترطيب البشره

[ كاكاو + زبادي طبيعي ]

صحه غداكم جميلاتي بنوتاتي ومداماتي الطرفونات،،
حبيبات قلبي بوست سريع لقناع ممتاز خاصةً ف الشتاء لترطيب البشره،،

132

  • قبل ما نبدآ ف المكونات بنقوللكم فوائد القناع هذا وخاصةً مكوناته الكاكاو والزبادي الطبيعي بدون نكهه اقنعة الكاكاو الشوكلاته من افضل واغلا اقنعه ع مستوي عالم ومتوفر ف كدا ماركة عالميه وغالي ف سعره ومن اشهر الاقنعه لتوحيد لون البشره ف مراكز التجميل العالميه يعني فوائده رهيبه مع الاستمرار عليه؛؛
  • ولكن انا اليوم درتع ف حوشي مرتاحه بدون تكلفه زايده وفيه فائده لبشرتي مكوناته سهله وبسيطه هي تاخدي كاشيك صغير من كاكاو+ كاشيك صغير من زبادي الطبيعي وطبعاً اي نوع زبادي وكاكاو متوفر عندهم القناع هذا رهيب ف ترطيب البشره خاصةً توا ف الشتاء البشره يصيرلها جفاف ف القناع هذا ممتاز ليها اااكيد،،
  • طبعاً تخلطي المكونات مع بعض يولي معاك زي الكريم وتحطيه ع وجه نظيف واكيد حتي رقبتك لمدة 20 دقيقه لين يجف وبعدها تغسلي بالميه الدافيه وع طول تغسلي بالميه المصقعه باش تصكري المسام واكيد تقدرو تستعملوا 3مرات ف الاسبوع مافيش مشاكل واصلاً هو مغري ف الشكل والريحه تجنن؛؛
  • ملاحظه تقدرو ادير مكعبات ثلج باالكاكاو عادي يعني تحطي كاكاو ف الميه وتحطيها ف مكعبات الثلج ف الفريز فوائده يعطيك نظاره لبشرتك ويقلل من المسام واكيد تستخدمي مكعب الثلج مره ف اليوم تمرريه ع وجهك؛؛
  • ملاحظه تانيه الي بشرتها توا دهنيه وتزيت بدل ما تخلط الكاكاو بالزبادي خلطيه بمية الورد لان الزبادي ترطيبه عالي للبشره العاديه والجافه؛؛
  • وع فكره تقدرو تستخدمو حتي للجسم لجميع الاماكن مافيش مشكله انا مره ف مركز تجميل برا شوفتهم يديرو فيه للجسم ويلفوا عليه ف سلوفان الجسم كله والنتيجه بصدق رهيبه؛؛
  • وياريت تنوضوا تلهوا ب اوراحكم شويه فكوني من البخل امتاعكم ايوا؛؛

وبس برنسيساتي اتمني الافاده للجميع دومتم متآلقات اووهبكم ااامواه

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Social Network Widget by Acurax Small Business Website Designers
error: Content is protected !!