‏ثقفي نفسك

مسائكم ورد اخر لليل بنوتاتي ومداماتي الطرفونات،،
حبيبات قلبي بوست خفيف تثقيفي ماليه علاقه بجمال الوجه ولكن ليه علاقه بجمال العقل؛؛

131

  • حبيت انفيدكم ب برنامج منزلاته ع الايباد هي مكتبة الكترونيه تقدري تنزلي منها الكتاب الي تبيه فيها كتب دينيه وعلميه وادبيه وثقافه عامه الي تحب القرآءه زيني ح تستفيد بيه البرنامج لان هذا احلا مكتبة الكترونيه شوفته وفيه ميزات حلوه ف تنزيل الكتاب وقرآته وحتي الخط ولون الشاشه تتحكمي فيه حسب ذوقك وراحتك،،
  • في ناس بتقول هادي شني تخرف علينا ف لليل بنقوللهم ولله ماهي قلة فضوه ولا تخريف بس الانسان سواء بنت او ولد ضروري يكون مثقف ثقافه عامه صدقوني قرآءة الكتب ااااثقف هلبا هلبا الانسان وتحسن من اسلوبه وطريقة تعامله مع الناس وتصحح مصطلحاتك ف الحديث وتحسن صورتك قدام الطرف الاخر ويعلمك كيف تتعاملي مع الشخص الي قدامك ع حسب عقله وثقافته لان قرآءة الكتب العامه تكتسبي منها معلومات جديده عليك وتغير نظرتك وتفكيرك للحياة؛؛
  • يعني لما يكون عندك وقت فراغ وحتي لما بتخشي ترقدي ف فراشك حاولي تقري كل يوم جزء من اي كتاب ترتاحيله وكل مره اديري نفس الطريقه تلقي روحك مكمله الكتاب هذا وهكذا ولله جربوها تلقوا ارواحكم ملمين بمعلومات مهوله وتغيرت طريقة اسلوبكم ف الحياة بجد حبيباتي المرآه المفروض تكون ملمه من جميع النواحي خاصةً النساء الي يشتغلوا حلو انكم ااثقفوا انفسكم ااكثر واكثر تلقوا ارواحكم حتي ف شغلكم مرتاحين وتعاملكم تغير مع الغير للآفضل،،

وبس غالياتي حبيت انفيدكم بعادة او هوايه انا شخصياً نحبها هو قرآءة الكتب لتقوية ثقافتي ومهاراتي وتحسين اسلوبي وطريقة تعاملي ف حياتي للآفضل دومتم متآلقات اوووهبكم امووواه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Social Network Integration by Acurax Social Media Branding Company
error: Content is protected !!