‏تجريب مكياج جديد

معرض الصور
1 صور
‏تجريب مكياج جديد
129_

صورة الحاجات الي ذكرتها ف البوست

مسائكم فل بنوتاتي ومداماتي الطرفونات،،.

حبيبات قلبي بوست سريع ع منتجات جربتها وعجبتني حبيت انفيدكم بيها،،

129

  1. اول شي للمعه الي مستخدمتها ف الصوره من فلورمار هي تجي ف باليت نوعها ستك كريمي حطيتها اول شي وبعدها ثبتها ب إضاءه من انقلوت هو اساسه ظل بس استخدمته ك إضاءه وبجديات خطيييير جداً،،
  2. تاني شي الروج من كريولاين اسمه روك هو نوعه سائل زي القلوس بس تحطيه من هنا يجف ويقلب مطفي ع طول بس ملاحظة نوعه كشمير يعني يبي ترطيب مكثف لشفايفك باش ما يتشقق معاك لان يجفف الشفايف،،
  3. ثالث شي الاضاءه الي ف دمعة العين هو ايلاينر قلتر يعني رش من انقلوت درجته فضي رررررهيب بجد هو تقدري تستخدميه بكدا طريقه ولكن انا هنا استخدمته فقط ف دمعة العين؛؛
  4. رابع شي الكونسيلر=الخافي الي مستخدماته تحت عيني وفي جوانب الانف والشفايف من ماركة فيراروشي هي يجي باليت فيه 12 لون بصراحه تقيمي ليه 9 من 10 بصدق ماتوقعته هكي تغطيه فل كفر والوانه حلوه ومايقلبش ع رصاصي لان فيه الوان مصححه واكيد قبل ما تحطوا الخافي تحت عيونك ديرو كريم ترطيب باش ما يخطط معاك هذا ضروري؛؛
  • ملاحظة مش مستخدمته كريمة اساس لان مانحبهاش فقط مستخدمه كونسيلر وباودر شفافه من كريولاين؛؛
  • ح نزلكم صوره ف التعليقات بالحاجات الي استخدمتها؛؛

وبس فلذات تشبدي هادي الحاجات الجديده الي جربتها حبيت انفيدكم بيها دومتم متآلقات اااوهبكم اامواااه،،

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Social Network Widget by Acurax Small Business Website Designers
error: Content is protected !!