‫‏افضل جل ايلاينر [2015]

[ انقلوت 77 ]

مسائو ورد بنوتاتي ومداماتي الطرفونات،،
حبيبات قلبي بوست سريع ع افضل جل ايلاينر استخدمته لسنة 2015؛؛

126

  • جل ايلاينر معناها الشكل الي يجي ف حكه وترسمي بيه بالفرشه واكيد فيه درجات الوان بس انا اليوم بنقوللكم ع افضل جل ايلاينر سواده فااااحم وثااابته قوي وتقدري تكحلي بيه حتي داخل عينك مافيش مشكله هو انقلوت(77) وحتي سعره مناسب تقريبا ف حدود 20 دينار والكميه امتاعه هلبا ويقعد معاك حتي سنه واكيد ع حسب استعمالك،،
  • حطيتلكم صورتي ف البوست باش انوريكم قوة اللون رهيب بصراحه وننصح بيه الناس الي عيونها ع طول اادمع ويسيح منها الكحل بنقوللها هذا حلك ياعزيزتي؛؛
  • عيبه الوحيد مايمتسح بسرعه لان ضد الميه فلهذا خودو مزيل مكياج يكون اساسه زيت وميه باش يمتسح بسهوله ومتوفر عندهم انقلوت مزيل ليه؛؛
  • في حالة جف او نشف معاك تقدري تاخذيله قطرة الزيت عند انقلوت وليها عدة استخدامات فيما سبق ذاكرتها من ضمنها انه لو جف عندك اي جل ايلاينر بقطرتين من الزيت هذا يرجع كآنه جديد وفي حالة عندك اي ظل عاجبك لونه وتبي ترسمي بيه بقطرة الزيت امتاع انقلوت اتقدري تخلي الظل الباودر لجل ايلاينر بسهوله؛؛
  • ح نحط صورة الجل والقطره من انقلوت ف التعليقات،،

وبس برنسيساتي يومكم مبروك وعدوكم مهلوك اووهبكم اموواه

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Social Media Integration by Acurax Wordpress Developers
error: Content is protected !!