مساؤ ورد وفل وياسمين بنوتاتي ومداماتي الطرفونات،،
حبيبات قلبي بوست ح يشرحلكم الفروقات البسيطه مابين تركيبات مختلفه من الكريمات الترطيب للبشره وح يسهل عليكم اختيار المناسب كريم الترطيب لكل نوع بشره؛؛
- انا حطيت صورت البوست بكل نوع كريم باش توضح عندكم الرؤيه وتفهموا الفروقات بشكل صحيح؛؛
- اول نوع هو المرهم( ointment):
المرهم اقوي واثقل انواع المرطبه للجسم وللوجه وللشفايف لان يحتوي ع نسبة زيوت كبيره ونسبة الميه فيه قليله جداً يناسب البشره شديدة الجفاف الي يكون فيها قشور وخشنه يفضل ترطيبها بالمرهم ومن امثلة مرطب المرهم والاشهر هو الفازلين وغيره من انواع المراهم المرطبه الثقيله للبشره؛؛
ـ بس المرهم مثلاً زي الفازلين يفضل انك ترطبي بيه جسمك وما ترطبيش بيه وجهك لان ثقيل هلبا ع الوجه ويغلق المسام ويسبب حبوب تحت الجلد؛؛
*نوع المرطب المرهم الافضل لما تجي ترطبي بيه جسمك تكوني كيف طالعه من الدوش وبشرتك مازال مببلوله باش بسهوله ينفرد معاك المرطب وبسرعه تمتصه البشره؛؛
*انا شخصياً نرطب بمرهم بيبانتين لان ترطيبه ثقيل اماكن معينه ف وجهي الي هي جوانب الانف والشفايف اكثر منطقه ف الوجه تبدآ قشور خاصةً ف الشتاء وباقي وجهي نرطب فيه بكريم بيبانتين؛؛ - تاني نوع هو الكريم( cream):
الكريم هو نوع من المرطب للبشره وجاي ما بين البينين يعني قوامه وترطيبه اخف من المرهم واثقل من للوشن ويحتوي ع كمية زيوت ااقل من المرهم ويناسب كدا نوع بشره منها العاديه او الجافه او المختلطه وطبعاً ع حسب الماركة المستخدمه لان ف نوع مرطب الكريم يزيت مع البشره الدهنيه وفي نوع لا بسرعه ماتمتصه البشره؛؛
ـ عن رآئي الشخصي وانقولها للمره الآلف افضل كريم مرطب استخدمته هو كريم بيبانتين من اروع الكريمات المرطبه للبشره وغير مضره بتاتاً حتي لو وقفتي عليها بمعني ماتدمنش البشره عليها عكس بعض الكريمات المرطبه التانيه؛؛ - ثالث نوع هو اللوشن(lotion):للوشن مرطب تركيبته ااخف من الكريم ويفضل استخدامه ااغلب شي للجسم الي يجي اسم )بدي لوشن)؛؛
- رابع نوع هو السيرم (serum): السيرم ـ تركيبته مشابه للميه وااااغلب الاحيان يجي خااالي من الزيوت تماماً بس السيرم الهدف منه ف اغلب الماركات هو مش الترطيب البشره ولكن تعزيز المواد الي ف تركيبته للجلد هذا علاش ع طول ينصح بعد سن 25 استخدام سيرم خاص بتحفيز الكولاجين وشد البشره وتخفيف التجاعيد؛؛
- خامس نوع هو الجل:-(gel)ـ جل هو ااخف تركيبه ف كريمات المرطبه خالي من الزيوت تماماً ويمتصه الجلد و يتلاشآ ع البشره بسرعه واغلب العلاجات لحب الشباب وللبشره الدهنيه تكون تركيبتها جل لان مفعوله ااقوي حتي ف كريمات المقشره للوجه؛؛
- سادس نوع هو الرغوه:(foam) الرغوه تعتبر من العلاجات الاكثر فعاليه خاصةً للشعر لان ميزتها توصل كمية الدواء لمساحه اكبر وسهل توزيعها بسهوله؛؛
- توا تبو تعرفو انسب مرطب لكل انواع البشره بالنسبه للبشره الدهنيه انسب مرطب ليها هو االجل او اللوشن وفي انواع من الكريم يجي ف اسبراي (بخاخ) مناسب جداً للبشره الدهنيه والمختلطه وكل ما كانت البشره دهنيه كل ما تختارو نوع المرطب نسبة الزيوت فيه قليله؛؛
- البشره الجافه ااكيد بتكون عكس الدهنيه والمختلطه وانسب مرطب ليها هو المرهم او الكريم لان ف انواع كريمات مرطبه ثقيله وطبعاً كل ماكانت البشره جافه تختارو كريم مرطب يحتوي ع كمية زيوت ااكثر؛؛
- البشره العاديه هي تاخد الافضليه لانها تقدر تستخدم كل شي بمعني اصح تتعاملوا مع البشره العاديه ع حسب احتياجها ومناخ الجو اكيد؛؛
- بالنسبه اافضل وقت للترطيب دكاترة الجلديه ع طول ينصحوا هو ترطيب الوجه مرتين ف اليوم افضل للبشره ع المدي الطويل واحسن من ترطيب الوجه مره ف اليوم؛؛
- بس نقطه مهمه ضروري تنتبهو ليها هو تعرفو تفروقو مابين الترطيب النهاري الي هو يكون مرطب يحتوي ع حمايه من الشمس اما بالنسبه للمرطب لليلي يكون بدون حمايه من الشمس لان ح تستعمليه قبل النوم ومش ح تتعرضي للشمس؛؛
وبس غالياتي اتمني الافاده للجميع دومتم متآلقات اووووهبكم امووواه..
