مسائكم ورد بنوتاتي ومداماتي الطرفونات،،
حبيبات قلبي بوست خفيف ع افضل صمغ او لصقة رموش الناس الي تحب الرموش ح تستفيد من البوست.
- يعتبر من افضل ماركات للصقة الرموش هي ماركة ديو والحمدالله متوفره عندنا ف ليبيا انقلوت يبيع فيها،،
- ميزة اللصقه هادي انها ما تسبب تحسس او مشاكل للرموش خفيفه وتلصق كويس الرموش الاصطناعيه.
- هي فيها نوعين او لونين الي لون كتابتها وردي لصقه لونها من اسود داخلها زي الايلاينر اما الي كتابتها لونها ازرق للصقه داخلها بيضاء بس لما تجف تولي جفافه تماماً؛؛
- عن رآئي الشخصي انكم تشرو اللصقه البيضاء افضلكم علاش لان ح تساعدك اكثر وما تلبزش رسمتك خاصةً المبتدئات ف تركيب الرموش غير انه ممكن تستفيدي منها ف حاجه تانيه الي هي لما بتجي تحطي نوع الظلال القلتري(الرش) تقدري تاخدي لصقة رموش ع طرف صبعك وتحطي منها شويه ع جفن عينك المتحرك وتلصقي فوقها القلتر مباشرة وح يثبت معاك طول وقت حفلتك وماتخافوش اول ما تمسحوا بمزيل المكياج ع طول تتحول ماتقعدش..
- انا حطيت ليكم صورة البوست باللصقه وصورة تانيه لكل نوع عيون ليهم شكل رموش معينه..
وبس برنسيساتي اتمني الافاده للجميع دومتم متآلقات ااااوهبكم اموووواه.
