مسائكم ورد اخر لليل بنوتاتي ومداماتي الطرفونات،،
حبيبات قلبي البوست هذا مهم ليكم وخاصةً العرايس الي معاي ف القروب انكم تستفيدو بالنصائح هادي باش يطلعلك مكياجك مرتب ونظيف؛؛
- قبل كل شي جمال المكياج مش بالكميه انه يكون ـ هلبا أوفر أو شوية سمبل ـ جمال المكياج ف حطته وفي البشره الي بتحطي عليها المكياج انها اتكون مرتاحه ورايقه والاهم نظيفه باش يطلعلك فنش حلو وخاصةً العرايس كل عروسه تتمني اتكون احلا عروسه ف ليلة العمر فلهذا حبيباتي ح نقوللكم نقاط ح تساعدكم ب اذن الله تطلعوا برنيسيات زمانكم؛؛
- اول نقطه ح نبدآ بمكياج العيون لو تبي يكون مكياج عيونك حلو وتعطيه رونق ضروري ضروري ضروري انه تحافظي ع صفائهم وبياض بؤبؤ العين قدر الامكان بمعني ف نوعية من الناس الي منهم انا ما يتحملوش مكياج العيون كله ع بعضه لان العيب ف عيونهم ادمع وما تتحملش وتحمر وحالتهم حااالة فلهذا قبل ما تحطي مكياج مناسبتك بنص ساعه تستخدمي قطرة مصفيه للعين او مرطبه للعين موجوده ف الصيدليات والي منهم بروزلين وكدا نوع كويس وهي تستخدميها قبل مكياجك باش تضمني عيونك ما يدمعو مع المكياج ولا يحمرو ويبان فيهم بياض وصفاء حلو حتي الي يلبسوا ف العدسات هادي خطوه مهمه ليكم اكيد؛؛
- تاني نقطه شعر الوجه كله او (الشنابات) خاصةً كاااااارثه انك تخليه وفي بالك انه كريمة الاساس ح تغطيه بنقولك عزيزتي بيتهيآلك جداً جداً بالعكس كريمة الاساس والبودره ح تزيد توضحه اكثر واكثر ويبان مفنص مش حلو نهائي فلهذا ضروري تراعو نقطة انه شعر الوجه عمره ما ح يخفيه المكياج بتاتاً؛؛
- ثالث نقطة هو لما بتفكري تحولي شعر وجهك ما تحوليه ف نفس اليوم الي عندك فيه مناسبتك خاصةً (العرااااااااايس) وعلاش انتم بالذات خصيتكم لان للاسف الشديد جداً ف بعض المزينات الي ماعندهم واااعي ينصحوا ف العرايس انه تحول شعر وجهها يوم الحفله قصدي لا مش معقول انك دمري وجهه العروسه او الزبونه وتخليها تعاني ف موال هي غني عنه لا عقل ولا منطق يقول انك تحولي شعر وجهك يوم حفلتك ولا يوم مناسبتك لان اكبر كارثه ح ديرها ف عمرك تحولي شعر وجهك وتحطي مكياج بعدها ح تسببي لعمرك اثار ومسامات وح تخسري فلوس ع العلاجات الي ح تصرفيها ع وجهك بالالاف ردو بالكم هلبا هلبات بمعني حولي شعر وجهك اذا كانت بشرتك حساسه قبل مناسبتك او حفلتك ب اسبوع واستعملي مرهم فوسيدين خطه احمر ف لليل مع كمادات الثلج وبدون استخدام مكياج مباشرة بعد تحويلك لشعر وجهك اما اذا كانت بشرتك عاديه ف حولي الشعر قبل مناسبتك ب 3ايام وديري نفس الخطوات الي قلت عليها وب اذن الله ح تمشي الامور؛؛
- رابع نقطه وهي جفاااااااااااااااف البشره او الوجه بنقوللكم ما تحلموش حتي ف الحلم انه لو كنتي هامله بشرتك ومخليتها قشور وكآنها صحراء قاااحله ح يغطيلك كريم الاساس او البودره القشور هذا ف الحلم اكيد لان كريم الاساس ح يزيد يوضح القشور ويشقق معاك للاساس ويخطط ويقلب اللون وايامات سود ولو كان كريم الاساس مش مزبوط معناها كل مكياجك مستحيل يطلع حلو بتاتاً فلهذا ترطيب بشرتك قبل النوم هذا خليه من أساسياتك في الحياة + تكثري شرب الميه أقل شي 2/3 لتر ف اليوم + تقشير بشرتك مرة في الأسبوع + تحاولي ترقدي بكري وما تجهدي نفسك وخاصة العرايس إنكم ترتاحوا قبل الحفلة وقضوها فترة نقاهة لأن صدقوني لما تبدي مرتاحة داخلياً وخارجياً هذا كله يعكس ع بشرتك وحتي لما تحطي مكياجك يطلع كيف ماتبي وأحسن؛؛
- خامس نقطه هي جفاف او تشققات الشفايف حتي هي حالها من حال الوجه يعني لو كنتي تحبي الارواج المطفيه والثابته وشفايفك فيها جفاف وقشور بنقولك ماتحلميش حتي الحلم يطلعلك حلو لان طبيعة الارواج المطفيه جافه وناشفه فلهذا لما تحطيها ع شفايفك المتشققه ح يزيد توضح القشور والجفاف فلهذا ضروري ترطبيها ف لليل قبل النوم ب اي مرطب ترتاحو عليه وفازلين او زبدة الشيا ترطيبها عالي جداً خاصةً ف الموسم هذا الشتاء محتاجين لمرطب قوي +تقشير شفايفك 3مرات ف الاسبوع ولو مشيتي ع نفس الروتين هذا ب اذن الله ح تقدري تحطي جميع انواع الارواج بدون اي خوف من شفايف متقشره او جافه؛؛
- سادس نقطه وهي الرؤس او المسام السوداء الي ع الانف مشكله تزعج الكل اكيد الحلول ليها هي انك تحافظي ع تقشير بشرتك وفي كدا ماسك يساعد ع تخفيفهم؛؛عندكم ماسك بياض البيض ممممممتاز جداً جداً للرؤس السوداء او المسام الي ع الانف والوجه كله تاخدو بياض البيض تخلطوه كويس بالشوكه وتطرحوه ع انفكم فقط او كامل الوجه وبعدها تاخدو كلينكس(مناديل) يكون من النوع الغليط امتاع المطبخ وتلصقوه ع بياض البيض الي ع انفكم او الوجه وبعدها تحطو طبقه تانيه من بياض البيض ع الكلينكس وتستنو عليه يجف من 10/15 دقيقه وبعدين حولو الكلينكس زي الماسك ح تلقوا كل الرؤس او المسام السوداء تحولت ومع الاستمرار عليها ح تتحسن بشرتك واكيد تستخدموها مره واحده ف الاسبوع؛؛ وعندكم ماسك تاني للرؤس السوداء الي ع الانف تاخدو بودرة الزنجبيل وتخلطوها بمية ورد وتدهنو بيها انفكم لمدة 5/10 دقايق صح حار بس يدير نتيجه حلوه اااكيد ويستعمل مرتين ف الاسبوع؛؛
وبس حبيباتي أتمنى الإفادة للجميع دومتم بود أوووهبكم امووواهااات
