‏تقشير للشفايف

[ سكراب طبيعي ]
مسائكم ورد بنوتاتي ومداماتي الطرفونات،،
حبيبات قلبي بوست سريع ع مقشر للشفايف طبيعي وسهل التحضير بمكونات بسيطه؛؛
102
  • قبل كل شي تبي شفايفك ناعمه و ورديه ومافيهاش قشور مزعجه لما اديري الروج خاصةً لما يكون مات (مطفي) بيزيد يجفف الشفايف اكثر ويبي ترطيب اكثر واكثر فلهذا فائدة التقشير للشفايف ضروووووريه جداً هي لتجديد الخلايا ويحول كل القشور والطبقه الميته يعطيهم اكثر نعومه ولون وردي بيبي لبس؛؛
  • انا درت مقشر لشفايفي طبيعي ف البيت واكيد قلت انفيد فلذات تشبدي لانكم ديما ع بالي،،

    المكونات هي 2ازرف سكر بني ولو مافيش بني استخدمي الابيض بس الي يفضل ف التقشير السكر البني+زرف واحد سكر فانيلا وهادي اضافه مني نبي ريحه حلوه ف المقشر+ كاشيك صغير زيت زيتون+كاشيك صغير عسل طبيعي وتخلطوا كل المكونات مع بعضها كويس كويس احتفظو بيها ف فازو او حكه نظيفه خلوها ف حمامكم ع طول؛؛
  • يستخدم التقشير للشفايف 3مرات ف الاسبوع بس يكونو الايام يوم بعد يوم مش جرت بعض وبعد ما ديرو التقشير اكيد طبعاً من الترطيب ثم الترطيب ثم الترطيب خاصةً توا ف الشتاء مطلوب منكم انكم ترطبو بشرتكم بزياده وتكثرو شرب الميه بزيادة الزيااااااده؛؛
  • انا حالياً نرطب اما بفازلين او مرهم بيبانتين صح فيه ريحه مزعجه حاجه بسيطه بس انا شخصياً تعودت عليه ولكن بعده انسي حاجه اااسمها قشور او تشققات ف شفايفك ومع الاستمرار بالترطيب ح يولو شفايفك ورديات؛؛
  • ع فكره تقدرو تخلطو العسل مع فازلين وترطبو بيه شفايفكم ف لليل مع الاستمرار عليه ح يفتح شفايفكم خاصةً الي فيها تصبغات معروف العسل الطبيعي ف تفتيح البشره وتورديها؛؛
وبس سلامتكم وعافيتكم اتمني الافاده للجميع اووهبكم امووواه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Social Network Integration by Acurax Social Media Branding Company
error: Content is protected !!